أنا ابن ذي قار ابن چف للفقير
چان بگماطي أثر للفاله
روحي خضره تعيش بس أطيها ماي
ترهم وتطي ثمر بٱي حاله
طبعي گصبه وي الهوه ميلتها ناي
ناي الأكشر ينحب بمواله
چفي خبزه وبيها يلتم كل يتيم
يشبع ويطبع أثر منواله
سومرت وأنا على حس فزعة أخوي
گمت أهوّس وٱسبگ الخياله
فزّعت سوگ الشيوخ وگتله گوم
گوم وانا وياك عل الچتاله
خلي الفهود بطريچي يرها صوت
والنصر والقلعه نفس الحاله
راح أخلي الهور ساتر للأمان
احزام تفگه يصيرلي وحمّاله
وي الاصلاح وجرف نهر الفرات
انحشم الغراف وي اعياله
يروح للشطره ويگلها اليوم أجاچ
هذا أخوي اليوم هد إشچاله
يالرفاعي انريد فزعه وبيه ها
ها تشيل الغيره وي عگاله
هل تشوفون الوگت وازانه غيض
وگام يتعنه ويشد أرحاله
لاتخلون الجرح ينزف عراق
والله زحمه وعيب تبچي عياله
نزف القلم
سيد ضياء
رد مع اقتباس
المشاركة الأصلية كتبت بواسطة Diyaa Nawar
