عظم الله اجرك يبعد اعكال ابوي
على الراحو غيرة وبتابوت اجوك
هلهل ولاتبجي يل تسمة اخوه
والله لو ماغدر ماكدروا لخوك
*************
يلون العافية اشلونك
سولفلي سمارك ذاك
كسر وحشت البرزخ لو كلب لونك
اللبن جبتة واجيتك غير تتلكاه
شنو كل هذا نوم ومايكعدونك
لا تحسبني اخوك احسبني جايك ضيف
وانتة بهاي خو كلهم يعرفونك
كبل لو اجة الصديق ودك عليك الباب
ماتلحك توازن وكفة متونك
كلهم هذا اخوي وزحمة مااحاجيه
ولو بس شمة وحدة وخل يردونك
كلهم هذا اخوي شكد بجة اعلة حسين
بلكي لخاطر حسين ويرخصونك
اسم الله اعلة كلبك..ها شنو فزيت
تكوم وياي صدكانك يريدونك
الكبر ماكل بطولك جا شوصيناه
انة الوصيتة يمسح ضحكة سنونك
وعلي ازعل التراب الامنيتك بيه
اذا هجي التراب مخرب عيونك
اجفونك ذابلة واني الاعرفك زين
بس عشرة محرم تذبل اجفونك
.
.
.
.
لفارسها الشاعر محمد الاعاجيبي
رد مع اقتباس
المشاركة الأصلية كتبت بواسطة أوراق شاعر
