هنا

[علي الشمري]

روحي دايه

وشاطي عينك

حلم يزرعني إعله جرفه

وعمري صدفه

أنتَ روحك نافذه

تجيب الضوه..

وضحكتك عصفور حط بحضن شرفه

وماي اصابيعك .. أتمس الماي يغفه!!

أنتَ بستان المحبه

تدري بسيوف العطش تذبح الرغبه

تذبح أزهار البنفسج

والنوارس

والسوالف

والبدايه

تدري من ترويني أكبر

أزرع طيوفك

شمس والديره عنبر

آه ..

لاتحرمني نبعك

تذبل ورودي

وتموت بشوگ دمعك



جرحي يضحك وانت تضحك

واني اتبعك

من مزامير اليشيعوني

احس ريحة شماته

وذاب عمري

وظل نداكم

ينعه ذاته



مايفيد اللوم

شاطيكم نبت صوبين حلفه !!

تعذرت منه البلابل

ردت وتندب حلمها

بغير زفه

ونايكم خضر حزن

وجروحي شفه !!

وروحي دايه

الرائع /عماد المطاريحي

[Yasser Alhawaj]

احسنت

[علي الشمري]

احسنت

شكرا لك