صباح الخير عليكم
اليوم وزن التجليبه ووزن النصاري ماراح اطول عليكم
تفعيلة النصاري هي (مفاعيلن،مفاعيلن، مفاعيل)
مثلاً اي بيت عندك على وزن النصاري تاخذه وتشوفه يرهم وي التفعيلة مثلا
لاتغتاض مني ما امر بيك: هذا نصاري صرف مابي اي اشكال ومضبوط
اذا ردت تحوله الى تجليبه شنكول
لاتغتاض مني ما امر بيكم
شوف الفرق حرف واحد وأحيانا عند الكتبة يزيد حرفين
ووزن التجليبه هو (مفاعيلن،مفاعيلن،مفاعيلن) شوف حرف الفرق واحد، وماراح اقطّع البيت لان صعب عليكم واخاف يصير خلط بين النصاري والتجليبه،لنأخذ قصيدة من القديم وهي مشهورة لشاعرها المرحوم عبد الامير الفتلاوي
آيبني شكول اعليك آيبني (هذا تجليبه عندما نريد تحويله الى نصاري انكول ) آيبني شكول اعليك آيب)
دولبني زماني بيك دولبني ( دولبني زماني بيك دولب) شوف الفرق مو حرف حرفين لان بعض الاحيان يكون الفرق حرفين كما قلت.
///////////
اطلبك سهر ليلي والمـنازع ذاك .... آطلبك باللبن من درَّتي الغذاك
نسيت ارباك باجاسم نسيت ارباك .... يمدلل سكمني اربــــــاك وتعبني
**
أتعــبتي وسكمني او غـــــير الــلواني .... على صدري ربيت او مرعلى متوني
حسبت حساب وحسابي طلع دوني .... على راسي ابـــيوت امشيده تبني
منقولة القصيدة فقط.
رد مع اقتباس
المشاركة الأصلية كتبت بواسطة ضياء الصافي
