تانيتك عُمر بجفاك
بس هالليله تانيني!

هالروح التريد اوياك
تاخذني وتوديني!
وأدور
ما الك
عنوان
وانه ابخطوة التعبان!
والسجه التصيح افلان!
خطواتك تأذيني!
تاخذني
إوتوديني!
بس هالليله تانيني!

::::::::::::::::

اجيتك والدموع اتسيل
اجيتك ما الي غايه

اجيتك واسحل ابهليل
شايل شوك الولايه
اجيتك
حاير
بأمري
اجيتك ياقدر عمري
اجيت
ابدمعتي
التجري
وأكولن ضحكتي ابعيني!
تاخذني
إوتوديني!
بس هالليله تانيني!

::::::::::::::

تتباهه ابضحكها الناس
وانه اتباهه بجروحي!

هاي اجروحي ماتنقاس
كلهن صارن ابروحي!
يا أول
جرح
بالروح
يا لجمه ابهوه المجروح
ياروح
التريد
اتروح
يوم اللي تجافيني!
تاخذني
إوتوديني!
بس هالليله تانيني!
حسين الساعدي