هنا

[إدريس]

عمري بطول رمشي ودربي حد الشوف
وخطواتي حلم وبلا وعي امشيهن
اندل الدرب مااظل ورا اليمشون
لان عثرات غيري الخوف ماليهن
انه بصدري نهر والصحرا عندي ذراع
البعيدات عله غيري بضهري اخليهن
من اشم ريحة آثار الخيل فوك الكاع
اعرفهن واعرف الصاعد عليهن
سوالفهم حطب وبصدري تلهب نار
طلع دخانهن بس استحي احجيهن
وحق حرمة الضلهن ماعبر للجار
الينامن والهوى مايعبر عليهن
بعد خطوة صبر ويدوس جدمي الغيض
واكّشف وجوههم واعرفهن شبيهن
طير البلقفص لايفرش الجنحان
شايلهن ثكل لايفتخر بيهن
انه الفارش صبح يم ناس ماتت ليل
اشبعهم ضوا وشمعاتي اطفيهن
اجي اباب الشمس تارس جفوفي فياي
تكسر خاطري ويم غيرها اجفيهن

[زهور قد تفتحت]

نااااااااااااااااايس

[علي الشمري]

مشاركة جميله صديقي
فقط ملاحظه
يجب ذكر كلمة منقول او بقلمك اذا كان الشعر لك
تحياتي

[ضياء الصافي]

حلوووو
عاشت الايادي