هنا

[إدريس]

الحلم كبرا جناحة الجنت اشوفك بيه..
الخذك ماكفة طولك خذة الحلمي وياك..
الخذاك من القلب جر 12 شريان..
12 معصوم جر من كلبي من جراك..
صبخة اوجوه ناس وانته ضلك ماي..
الذنب ذنب الغشيم من ارتوة وبداك..
اشتم ريحتك واحضن الحضنوا بيك..
واشهك شوفتك كل مايمر طرواك..
يعرفوني عليك العرفتهم بيك..
وتريد ادموعي اكضهن وانسة واتلافاك..
الحلم بشفايفك هسه على طولك نام..
حرامات الخذك بالكلب ماخلاك..
اريدك وراضي بعيوبك وخل يحجون..
هوة العندة مثلك عيبة من ينساك..
تمشي بالي بس نكلة اجدامك وين..
ماحس بيك جا غير اعرف شمشاك..
بيش تريد احلفك وانة احلف بيك..
شوفتك لغيري وشوفتني اكفاك..
جنت من بيتكم تطلع بكلبي تفوت..
جدمك ماعثر يم غيري من وداك..؟
لــ علي المحمداوي

[إدريس]

بـــايت أعلى هــدومـي صــوتك .
وبأذن كـل خيـط منـك باقـي صـوت ..
اااخ يــاحـالي بغـيابـك .. جسـمي گـاضي ..
ومن زرف مفتاح افوت

[إدريس]

صـــــرخــــت اعــليـــك صـــرخـــه اتــهــد الــجــبــــال
صـــاحـــــو الامـــــــوات شنــــهـــــو الــــقــيــــامـــــه
كــتــلــهــم مــحـــب مــجـــروح ظــلــمــتــه الايــــــام
خــــذو ضـحـــكــات عمــــره وبـــاكــــــو احــــلامـــــــه

[إدريس]

يمـه بالدنيـه الـــــج ماكـــــو مثيل
رحمة انتي من السمة ومو حرمه
بعــــد مـــا اقلد مراجــــع ما احيـر
لان انتـــــي ايـــــة الله العظمــــى

[إدريس]

ترة التنزل دمعته هواي احس محظوظ
..من يبچــي .. السوالف كلها يحچيهة~
بس كلش خطية ومدري وين يروح
..الما تنزل دمعته ويختنگ بيهة

[إدريس]

صبرتي وعمرج اتناوشله سبعين ..
شبقالج والفرج ماوصل بعده .؟
الحزن كلش وفي .. واتدرج وياج
زوجه ـــ وام ـــ الى أن صرتي جَده
المثلج مو تعب تاليهه .... ترتاح
سجاده صَله .. فراش .. ومخده ..
حدر رجلج الجنه وتارسج عوز ..!
أغربـل عمـرج .. ومـا ألكَه ورده ..
يل بروحج نعي ايحّرك التوابيت ..
عجز شعري اعله وصفج .. هاذ حده
ومن حطيتي ايدج صافنه .. هناك ..
العراق بكبره حط ايده اعله خده ..!
لــ سالم الدبيسي

[إدريس]

نويت تروح شنهي اسباب الوداع
غير اني اقتنع حتى اقنع الغير توصيني أعله حزنك
عايش وياي مادام الدمع سالم حزنك
بخير خذت كلبي وتكلي جروحنه
شلون توصل بالسلامه جروحك أبير

[إدريس]

كف هجرك بعد ما بيه حيل افراك
من يوم الرحت ما مستقر حالي
ذكرت النفس باخر ضحكتي وياك
الشامت هزلي راسه اعله النفس مالي
بطلاع الروح ادبر ضحكتي البشفاي
وتجي حضرت جنابك تخطر ابالي
كواغد صفنتي وذكراك لهبت نار
اشتعل وطفه واگولن فدوه جه غالي
عيني اذب رجل لدمعه حته اطيح
اويادمعه بغيابك باقيه اتلالي
شحسب يابعيد العمر ركضت ذيب
الساعه اتعوقت ونباگت اميالي
صفنت كبر بيه اواهس امتيهين
وبعيد الجبير استشهد اهلالي
صبعك من برد بعيوني طب اونام
كتله اعيوني راحت گالي ادفالي

[إدريس]

بنيت اشكد حلم!!
بس حضي مابي باب

[إدريس]

صح اضحك بنبرة فرح ..
بس ركز بصوتي بعد! ..
تسمع نحيب بضحكتي..!!