امي جانت قبل كلشي
امي شمس الله الجبيره
الماعرفنه بيا رجل عالناس تمشي
امي جف الله الحنين
الماشغل روحه ونسانه
امي خلك الله بحنانه
امي خط جفوفها انشوفه الصراط
امي ملك الموت ماگرب عليهه
ابليس اضن اغتال امي
يدري درب الله بحجيهه
امي وصت بالدفن لو يم غريب
بالگبر تبقه ابعباهه
امي لو شافت رساله
دكول ربي
كون زاجل ماترك عش من وراهه
تجمع امي الماي
يمه هذه للشجره عشاهه
تستاذن وتدخل حديقه
خاف نحله طالع شويه كفاهه
تترخص الحايط اذا جوا تصلي
يمه اذا مغصوب ضله كل عمل ماينقبل
عدها طش الماي حرمه
يغرك بيوت النمل
بيوت كلهه اطفال عُزل
يا شريعه الصرحت دمهم يحل
الخبزه خلصت
وامي بيهه هواي نعمه تنوكل
تنقهر كلما يشرون الملابس
همه كشخه وعاريه امتون الحبل
يوسف محمد السوداني
رد مع اقتباس