هنا

[علي الشمري]

شعر شعبي غزل , شعر غزل , اشعار حب , شعر عن الحب , شعر عن العشق

بينما اقلب صفحة ذكرياتي ووصلت لعام(2011 ) اي قبل اربع سنوات تقريبا
وجدت هذه الاحرف في صفحتي الشخصية ارجو ان تنال رضاكم :-

مستعد انطيك من عمري عمر
وكون من عمرك عمر تنطيني
خلي نتقاسم ولو ثلج وجمر
انا اطفي شبيك مطفيني
انا ما شايف بشر شيشة عطر
شما عرك ينظح ورد تشريني
الله حطلك شامة في موقع خطر
خاف ابوسك منهه وتجويني
لالي حولة ولا لي قوة ولاشعر
ضاع من عندي الشعر دليني
أشما اكتبك اغلط باول سطر
ومدري وين القافية توديني
شختصر وياك يل كلك خصر
من اشوفه ايميل اغمض عيني
مالي طاقة لشوفتك مالي صبر
عمي مو بيدي ترة ياذيني
نغم صوتك نشوة يسكيني خمر
وضحكتك جنها غزل سبعيني
من حدر جيدك احب كل الحدر
ومن حدر بية الهوى شمدريني
ياندى الشباج يمتاني الفجر
يمته ترجع الي وترويني

[ايام الفراق]

كلمات جميله ورائعه بحق

عاشت ايدك

[جميل السراي]

اخي الكريم
أشما اكتبك اغلط باول سطر
ومدري وين القافية توديني
بحق كلمات جميله تستحق كل الثناء والتقدير
تقبل خالص ودي واحترامي

[علي الشمري]

[رزان]

عاشت اﻻيادي

[علي الشمري]