مساجلة الصدفه!!حسين الساعدي و مريم حسين
مساجلة الصدفه!!
الشاعر حسين الساعدي ومريم حسين
::
كون
اتصير
وانه وياك
انطير
انطير
طيريين وطارن وحدهم
والعالم متلوم الطير
مريم
:::::::::
وين اتصير؟
وهالوادم بس للتدمير
ممنوع الحب ابدنيانه
وتشوه حتى التصوير!
مايرضون اعيوني اشوفك
صدكني وماضل تدبير!
وين اتصير!
االساعدي
::::
لاموني ابحبك لاموني
ياروحي المابعدك روح
خلوني ابدمعات اعيوني
وبكلبي البعدك مجروح
مشتاكه الحبي المشتاك
وليش ايلمون العشاك؟
ياروحي انقسمت للغير!
وين اتصير؟
مريم
::::::
والعالم شعليها العالم
ليش ابحبك ما يرضون!
وبعالمهم !ما نتوالم
وبعالمنه احنه المجنون
مجنون وعاشك مجنونه
وليش العذال ايلومونه؟
وليش ايشغلون التفكير!
وين اتصير؟
االساعدي
::::::
ياصدفه الجابتني الدربك
يا اجمل صدفه ابدنياي
واعرف ما يتعوض حبك!
واعرف تتعذب وياي!
لكن
هالقسمه المكتوبه
محبوب
ايودع محبوبه
والقسمه الصارت للغير!
اشلون اتصير!
مريم
:::::::
هالصدفه الأذتني اهوايه
وراوتني الدمعه ابدنياي
يا محبوبي وتدري ابهايه
وما خلوك اتصير اوياي!!
والقسمه
اتعاند ويانه!
ماترضه
وحرمت ملكانه
وما ينفع كل التدبير!
اشلون اتصير؟
االساعدي
رد مع اقتباس
