من باب تغير الجو شويه .. أطرح لكم هنا حقائق ممزوجة بالفكاهه
.. تقبلوا كلماتي :
خمس وصايا تفيدك عند صعودك "بالكيا " :
♧♧♧♧♧♧♧♧♧♧♧♧
١~ إذا نطيت رأي مخالف ﻷغلب العبرية اللي بالكيا لغد موضوع ، حاول لا تنزل أول واحد ، ﻷنك ساعتها ستتعرض ﻷطلاق ألسنة نارية كثيفة وتكون موضوع النقاش ( في الكيا ) حتى تصل الكيا الكراج.
٢~ إذا صعدت الكيا ولكيت بنت جالسة والمكان اللي بصفها غير مشغول لكن مخلية بيه جنطتها لو اللفكس مالتها، فجلس بمكان آخر ، ولا تسأل السؤال الغبي المشهور : أكو أحد يمج ؟
٣~ صرف وأصعد ؛ يعني حضر كروتك خردة أفضلك، ليش ؟ ﻷن العبرية الباقية كله محضرة خردة . لكن أشلون خردة ! المتردية والنطيحة! شكو ربع لو ألف ملزوك بآخر نفس وعليه - السائق راح يلم الخردة وينطيكياها!
تعترض! .. من حقك .. لكن السائق راح يكلك هيه جتي من يمكم .. أنته والجماعة ههههه . راح تنادي ؛ يأبه المن هذا الألف الملزوك؟ سيسود الصمت .. وكأنها لحظة حداد ! فتبلعها وتسكت.
٤~ لا تكعد يم الباب .. ﻷنك ساعتها راح تصير بواب .. هذا أذا ما كل شويه صاعد ونازل.
٥~ شفت جماعة بالكيا - من باب يريد يريح رجليه من عناه العمل طول اليوم - فشيسوي .. ينزع الحذاء ! فينتشر الكيماوي سريعا بالكيا ! هههه .. مو جواريب .. عبالك مادة سامة ! حاول لا تسوي هذه اللقطة .
أتفقنا أن الموضوع للضحك.. فلا ينقدني أحد .. تقبلي كلماتي .
يمكن أكو تكمله !!! ................... سلامي و ودي .
رد مع اقتباس
المشاركة الأصلية كتبت بواسطة جورية
