هنا

[تّـفـاَصيلـٓ]

انا وأنتم والترف صادق طلال
من مريت
جفه بجفك ومرتاح
كزبر جلدي حد ماطاح
تعال هناك وين تريد تلكاني

منذب حسره اضل شهرين يله اسحب نفس ثاني
تلكاني شخص مدفون فوك الكاع
تلكاني حلم عميان
تلكاني فصم بلكاع وكبالي النمل جوعان

(يل خليت وجهي بضهرك محدب)
تلكه عيون تاكل بيه گشر ولب
وتلكاني صدك مرتاح
اي مرتاح
نايم للصبح كاعد

(هاي سنين عمري شلون ياخذهه شهر واحد)
انه منشتاگلك تشتاكلي الجنه
وابقه اذكر سواليفك وكولن سهله نرجع مثل ماجنه

(صار هواي من زفوك. )
(مازفوك ليش انطوك مارفضوك )

(قصتي وياك ماتنحل)
لو بس جاي نص الليل افززلك ورد
نعسان يكسر خاطر المنجل
واذا عل نده هم لتخاف ياعنكود سالفتي

(انه محضر عنب گصتي)
تعال وكلشي الك مضموم
عازلك نفس مرتاح يتلكاك مدري شلون
عازلك حرز عشاك
عازلك ام سبع اعيون
عازلك حضن بكفاي احضنك وين ماتندار

(لو جدمك سحك دربي)
عازلك شويه هواي من كلبي
عازلك غزل بعتاب
وسوالف غرفه مال اخشاب
تعال ثنينه اتلاثه
تعال الخاطر الواهس

(ولو ثالثنه هم ماجاي بعده بطنك يرافس )
وهم قابل
اريد الياس يحرك وجه صينيتي وعوف النار
اريد بكلبي ينزل ماي
اريد الحنه تتندم تجي وتعض اصبعي هواي

اعرفك مارحت مجبور بس جبروك
انته وغيره ذرت ياس ماعدهم
لاتبرر جذب يفلان تره الحيطان عرفت كل سوالفكم
اضل چندوب اجذب حجايت الحايط

جسد ماتصلح بروحين مثل الماي مايصلح اذا خابط
تعال دموعي تبچي عيوني
بيهن لون
بصبعك حنه وانه سنون

مدري شلون كلبي بواهسه يچيت
الدنيا بخور مدري بخير انه بثنينهن ميت
راح تروح مو بچفاك راحت روح

صوتي اجدامي ضل مبحوك بعد
لا ترجع المن جاي
راح ارجع واني وياي اخلي
جفوفي بجفوفي

تره العصفور حقه يطير
عنده حساس
يعرف زخبل غصن جذاب ومصافح چفوف الفاس

[تشيللو]

حلوو شكراً

[تّـفـاَصيلـٓ]

حلوو شكراً

عفوا نورت

[مــــــــروه]

روووووووووووووووعــ. ـه