من جاني الخبر قالوا صديقك مات
اصابيعي وحدهن سدن اذاني
ما اصدك صديقي بهالسهوله يموت
حسبالي عمر ينبض بشرياني
ما اريد الكفر بالقدر لا والله
واني ادري عمر كل البشر فاني
بس توهن زهن وردات عمره شلون
مو كاضي العمر حسرات ويعاني
تقاسمنه العمر بالضحكه والدمعات
واحد ما يدور غلب للثاني
ولا مره طلع منك كلام الشين
واذا مني طلع كون اكطع الساني
جنت تمشي ويزودك ما يهمك جور
لو صابك ظلم بالشده تلكاني
هسه شلون من جتي المنيه اهناك
كلي بيا طريقه الاوصلك اني
ولو جيت ووصلتك منهو كتالك
ادور ما لقيت بكل بشر جاني
لو والله بشر ماخذ الروح البيك
لخلي النجف تنطر جيت الثاني
بس ربك طلب رادك تكون هناك
ما اقدر اعارض امر رباني
رد مع اقتباس
