السلام عليكم
مقادير العجينة :
المرحلة الاولى كاستين طحين ملعقتين خميرة كبار + ملعقتين كبار حليب بودة
كاستين ماء دافىء + فنجان سكر ورشة ملح نخلطهم كويس ونغطيهم 10 دقايق
بعد عشر دقايق نضيف كاسة ونص طحين وربع كاسة زيت مازولا نعجنها كويس
اذا شفناها عم تلصق بأيدينا نضيف طحين حتى تصير عجينة ملساء وتستخدم على طول
نقسم العجينة قسمين نفرد القسم على صينية مدهونة بزيت وبنكون حضرنا الخلطة
الخلطة عبارة عن :
نحمس لحمة ناعمة مع شوية زيت زيتون وبصلة ناعمة و2 فص ثوم مع ملح وفلفل
بس استوت اللحمة نضيف عليها فيلفة ملونة مقطعة مكعبات صغية وبندورة مقطعة ناعمة
نخليها شوي على النار وبعدين نرفعها
نضع الحشوة فوق قسم العجين الاول في الصينية ثم نضع فوق الحشوة
جبنة شيدر مبشور وجبنة موتزريلا ونفرد فوقها قسم العجين الثاني بعد رقه
نسكر الاطراف منيح وعلى وجه العجينة نوزع مرة ثانية جبنة موتزريلا وشيدر وحبة سودا
وبالفرن لما نشوف اطرافها صارت ذهبية نحمر ووجها وبالعافية تاكل ساخنة
وبالعافية
رد مع اقتباس