انده بالكمر من يغفه تالي الليل...كاعد مانمت بس حضي ماكاعد
ايدي مبلله شافوهه مايدرون...كل ساعه التمر غاسلهه من واحد
وصلت من وراك مرورتك للطيف...افز لو بالحلم الكاك متواجد
كبل من جنت اجيلك كوه اجيب الروح...احس جن ملتحق ماجني متواعد
واجي من العيب لابس فشلتي من الناس..يعثرني النظر من عين اليشاهد
ونتلاكه لجن ملكانه مال سيوف ...بارد سيفك وملكاك هم بارد
نمشي ابلا عشك بوجوهنه مبينين ...ادينه اتشابكن والشوك متباعد
عافيتي وعشرتك خلّصن فد يوم...نزل دمعي بعشرتك والنفس صاعد
ارجف من حركتي اعله البروده البيك..برودك خله دمك والطبع جامد
تتحجج عليّ جنك الدنيه وياي ..كلما اشوفك اسمع كلبي متشاهد
حيه ابداخلك تركص اذا ونيت ...واني ظلوعي ناي ابينهن لابد
حبل وصلك كطعته بصوت رمشت عين..ابالغ من اوصفه ولو كلت بايد
واركض والعمر يركض وراي بشيب...صفيت ابجالك اركض والعمر شارد
ويعذرني العشك ماعندي شي وياه.مو ميت كلب واحساسي مو راكد
شرط بين اليحب والمحب نفس الشوك..روحين بجسد حته بكلب واحد
منقول
رد مع اقتباس
المشاركة الأصلية كتبت بواسطة Ahmed Alkraawi
