حياك الله ياملكالمشاركة الأصلية كتبت بواسطة ملك الرقه
افتتاح موفق سيد ضياء
سأكون احد المتابعين
انرت المدونة
ولي الفخر أن تكون من المتابعين.
حياك الله ياملكافتتاح موفق سيد ضياء
سأكون احد المتابعين
انرت المدونة
ولي الفخر أن تكون من المتابعين.
والله يادمعك سهم مو ماي أشوف.
سهم وسط النايبه بعين الزمان،
امداها الناس عميه وماتشوف،
والله بالدنية عل مودك صار آمان.
ب..ق
عميه ودريچت حيل ماتگدر اتگوم.
تزحف زحف مصيوب من شافت الگوم.
ب..ق
گلبي على حسك هاج ما يفعل ايهيد.
كام ولبس تزگام حسباله أجه العيد.
حلالي
شمالك تغثني بچلمتك.
وانا أحبك من زغر
چلمة غدر ما لچمتك.
يلكلشي ماعندك عذر.
خايب غفت عيني شمع.
تدمعلك بحرگه ،تمر.
هواجس
مسكين أحبك ماعرفت السالفه.
بالظهر سجينه وسهم
وآنا أصيح من الآلم.
يالا الأسف بس العيون اموالفه.
هواجسي
محتاج أشوفك شمس،
بردان كلش ولك،
ب...ق
انت ماريدك بعد وخر تروح
هيه لزگه شمالك شبيك اشلهاك.
موگلتلك ولك لاتمشي وراه
هسه جاي تريدني،من امي داك.
ب..ق
والله مخنوگ وترافة حس أديك
بيه ملمس صاحني وجرني بحزن
گلي بالله ،بداعتك،ياهو الخذاك.
شنهي ملو شنهي متروس الحضن
شنهي باعوك ولگو بيك المزاد
ادري غير تگول خاطر ما أضن
خاطر أسحب چلمتي من يا مچان
واحترم نفسي وأكضها او أستچن.
خاطر أنكر ما أگول فراشه ماي
ولا أگول الرمل صايرله وطن
هيه روحك وين ما تنهض تگول
لاتخليني أسطّرهن محن
لاتخليني أفرعّ مثل أبوي
گوم شد حزام وازاك الزمن.
گوم وانطيني حذائك وأستراح
ارد اخليها على روس اهل الفتن
أرد أفصلها عگل للرؤساء
ولبو الربطه أرد أعلگها رسن
عيب أخجلوا الراح موهيّن وانام
الراحت اورود وبعد مايُشترن
بقلمي
سيد ضياء
