هنا

[ضياء الصافي]

المال بالغربة وطن
والوطن محلاها ياجلمة وطن
روح سافر يالتريد تسافر بذاك السكن
تلكه ناسك غير ناسك وتلكه روحك حايرة بنص المحن
*
*صح تشوف بيوت حلوة والقصور تشيدن
وصدك تنظر للبنات وي النسيم تمايلن
لجن لو ضاكت بعينك تضل تايه بالزمن
وتبقى تايه بين غربه والجفوف اتجتفن
لاصديق تلوذ يمه ولا وجريب اوتأتمن
بس تضل تعيد ماض ِ وليلك تخلصه تونّ
*
*
شكد ذليل وي اليسئلك منين انته وياوطن!
شنهي ردك من تجاوب؟جاي ليكم استجن!
اتصير مثل الطير مكسور الجناح ومن جناحه يضل يون
*
*
انّوب تذكر كعدت اهلك والبلابل غردن
وتذكر اُمك من تندهك بوجه يضحك مستجن
وكل صديق اليدك بابك.؟أدري كلبك ضل يحن




يل تسافر لاتسافر هذا حضنك والوطن أدفى حضن
والوطن أدفى حضن
















رغم براءة القصيدة
كتبتها وكُلي آلم
كتبتهاعام2006

[ضياء الصافي]

سيد وتاني الناس موفضل مني
واجب واحس مرتاح لو ضحك سني

[ضياء الصافي]

**********************
بالنار أطفي النار حسبالي بالماي
هجي انا حالي عليك معميه عيناي

ب...ق

[ضياء الصافي]

سمچه انت صرت بماي متعجب بهاي
شبچه وزهر والفول لمتلي دنياي
...ب...ق

[ضياء الصافي]

أنا وانتَه شﮔد فرق بين أنا وانتَه
انا من أخطف اسلم وانتَ سكته
انا حبي وياه سراب شكد غشيم وما عرفته
جنت احسك دفو ليه لو وكتنه ويانه شتّه
انا كلبي وياك صافي وما افرط بيك حتى
انا احبك وانته تدري همّك بكلبي حملته
وبكل بساطه على الوجه حبنه شمرته

[ضياء الصافي]

انته موذاك الااعرفه ومحله كعداته وعشرته
كلبي شنهي البدِر منه وغفل خنته
أنته وجهك غير وجهك مو وجه ذاك الرسمته
ما شفت مثلك اناني ولاعرفته
تروح للشامت تكله ابّير اظلم انا عفته

[ضياء الصافي]

والله مخنوگ وترافة حس أديك
بيه ملمس صاحني وجرني بحزن
گلي بالله ،بداعتك،ياهو الخذاك.
شنهي ملو شنهي متروس الحضن
شنهي باعوك ولگو بيك المزاد
ادري غير تگول خاطر ما أضن
خاطر أسحب چلمتي من يا مچان
واحترم نفسي وأكضها او أستچن.
خاطر أنكر ما أگول فراشه ماي
ولا أگول الرمل صايرله وطن
هيه روحك وين ما تنهض تگول
لاتخليني أسطّرهن محن
لاتخليني أفرعّ مثل أبوي
گوم شد حزام وازاك الزمن.
گوم وانطيني حذائك وأستراح
ارد اخليها على روس اهل الفتن
أرد أفصلها عگل للرؤساء
ولبو الربطه أرد أعلگها رسن
عيب أخجلوا الراح موهيّن وانام
الراحت اورود وبعد مايُشترن




بقلمي
سيد ضياء

[ضياء الصافي]

خويه ماتسوى عل بختك كافي عاد
دنيه مابيها رَحم طزبيهَ
نبقى نبجي وداعتك محد يشوف
كلها داء (العوفهم) عاميهَ
خويه بسك والله دمعك غالي حيل
الخبزه ربك هو كافل بيهَ
..................

ب..ق

[ضياء الصافي]

هدني خليني اهد حسرة يتيم
ضاله بكلبه الحزن غاطيهَ
خوية تذكر ليمت بحضنك رغيف؟
لو سمعت بيوم عن طاريهَ
كافي , مليت انا اشوفك تبجي دوم
ادري شنهي بداعتك تاليهَ
شنهي رايك خويه يرضاها الضمير
اكبالك الناس بترف تكضيهِ

ب...ق

[ميوشة]

ابكي فتبتسم الجراح من البكا
فكانها في كل جارحه فم
يالابتسام الجرحكم ابكي وكم
ينساب فوق شفاه الحمرا دم
ابدا اسيرا على الجراح وانتهي
حيث ابتداءت فاين مني المختم
واعارك الدنيا واهوى صفوفها
لكن كم يهوى الكلام الابكم