لا حول ولا قوة إلا بالله
إليكم هذه القصة الطريفة كما وصلتني.
فوكَ الاكَزمة .. فصل عشائري معدل ( 35 مليون دينار )
قصة فصل جبار ..
جبار صــار عنــده نوع نادر من الأكَزيمـــة بأيده راجـــع إطبــاء عدة وما گدروا يعالجــوه ،ابن عمه حسيــن گـاله ليش ما تروح للمغيسل مال الموتى ؟؟
لأن علاوي ابن حجي حلو عنده نفس الأكزيمـــا مالتك و مل من المراجعات
و ما طاب الا لمن غسلوه بالمغيسل و ذاك هو كلشي ما بيه حتى الأطباء تعجبوا … جبار گله أنت صدگ تحچي ؟؟ مستحيل اروح للمغيسل …
ضل جبار يعالج نفسه عند الاطباء و ماكو نتيجة و حالته تفاقمت .. و بعد ما يأس من الأطباء راح للمغيسل و حچة و يه المغسلچي گله يابه اني اريدك تغسلني علمود تروح الأكزيمـــا مالتي ..
المغسلچي گله يابه اني أجاني واحد نفس حالتك و غسلته بس بعد ما أعرف طاب لو لا ؟؟ ذب ملابسك و نام على دچة المغيسل و غطي عورتك بالخاولي
جبار گال للمغسلچي رحمة لوالديك اريدك تغسلني بليفة جديدة لأن استنگس من المستعملة …
المغسلچي راح يجيب ليفة جديدة من المحل ,, بهاي الاثناء دخلــوا تلث زلام عندهم ميت يصيحون على المغسلچي , ابو فلان ,ابو فلان ,
جبار رفع راسه وهو نايم على دجة المغيسل و حچة وياهم گاللهم راح يجيبلي ليفة و يرجع …. و الزلم صار مطافرها بفلس لأن على بالهم جبار ميــت
واحد منهم تزحلگ و نشگ راسه و الثاني سكت گلبه و مات ويه حسه … والثالث انچبح على وجه و طلع بره يصرخ مثل المخبل … و چان جبار يخسر فوگ الأكزيمـــة مالته فصل ٣٥ مليون... هذه قصه حقيقيه
رد مع اقتباس
المشاركة الأصلية كتبت بواسطة كرار الغراوي
....و تدوووووووم الضحكة ان شاء الله 
