بيسهر بره!
هل جوزك بيسهر برة البيت كثير؟..
بيحب يضيع وقته مع أصحابه بدل ما يقضيه معاكي ومع أولاده؟..
بيضايقك سهره بره؟.. حاولتي تعرفي السبب؟..
بتلومى جوزك على التصرف ده ولا بتلومى نفسك؟
أسئلة صعبة ومتعددة وعلشان تعرفي أجوبتها لازم تتأكدى الأول إنك مش السبب،
وإنك مش مسئولة عن ده، يعنى هل بتهتمي بنفسك وإنتي في البيت، من ملابسك، من عطرك،
من تجميلك، من خلق جو صافي وهادىء وغير متوتر فى البيت، وهل إنتي كمان عايزة تقضي
وقت معاه فى البيت، وقت استرخاء بعيد عن الكلام عن مصروف البيت أو مذاكرة العيال
أو مناقشة الخلافات، فلان راح وفلاج جه.. وهكذا؟؟
إن كنتي بتعملي كل ده، فالمسئولية لا تقع عليك، لأن ساعات الست بتحس إنها السبب وراء
سهر جوزها برة البيت، مع إنها أحيانا مبتكونش السبب، التركيبة السيكولوجية لمعظم الرجال
وخاصة الشرقيين بتجعلهم يندمجوا مع أصحابهم أزيد شوية من اندماجهم الأسرى ولكن في حدود.
أما السهر المستمر بره البيت فهو محاولة هروب من مسئولياتهم الأسرية تجاه زوجاتهم وأولادهم،
وبيعبر عن أنانية الأزواج، لأنهم بيتخلوا عن المسؤولية في الحياة الزوجية التي تقوم على الشراكة،
وده بيحتاج منهم تحمل الأعباء سويا وتقدير ظروف الطرف الآخر "الزوجة"، ومساعدتها في تربية الأولاد.
الحلول العملية لسهر الأزواج بره البيت:
1- حاولي تهيئي جو صافي وهادىء.. يشجع الزوج على التواجد في المنزل بعد العمل.
2- حاولي تعملي أكلة بيحبها على العشا وقولي له عليها.
3- اهتمي بنفسك جوه البيت زى ما بتهتمى بها برة البيت.. الملابس.. العطر.. الشعر.
4- حاولي أن تتكلمي معه.. وعن احتياجك واحتياج أولاده إليه في البيت.. وليس احتياجهم للمال فقط..
فالاحتياج إلى الزوج أو إلى الأب في البيت يكون أحيانا أهم من الاحتياج إلى المال.
5- تشاركى معه فى البيت ما يحبه ويفعله أثناء سهره مع أصدقائه.. الكوتشينة.. الطاولة..
ناقشى معه الموضوعات التى يناقشها مع أصدقائه.. الكرة.. السياسة.. النكت.
6- أخبريه أن وجوده المستمر خارج البيت هيخلق مزيد من التباعد في علاقتكم وافتقار إلى دور الأب في حياة الأبناء.
7- اشتركى فى نادي أو اذهبوا إلى حديقة عامة في كل عطلة لتجددوا من حياتكما.
8- امنحيه يوما في الأسبوع ليقضى وقتا مع أصدقائه، فلا يمكن أن يستغنى أى منكما عن أصدقائه.
ماريانا يوسف ّ
رد مع اقتباس
