مَوطِني كُلـَك عِشكْ
ورويحتـَك خـَضره
وبـَعدهي بلايه دَمعه بلايه شيـبه
ولـَحظه ما ضكت انتظار
ولسه بأذنك دَكة الفنجان تدوي
ما ينـَشز صوتهه جَم انفجار
مَوطني كلك عشكْ
ما ضكت همي
السَبب مَـعروف واضح عَلى ترابـَك داسَت امي
مَوطني هذا الصدك
امي يا اجمَل عشك
امي يا بَدله يتيمه مخَيطه بخيط الضوه
امطرزه بنجمات حيل أمخصصات
أمطَرزات بجَف امام
معنى هذا من الله شالتهن وسام
أمي ليل بلا جرح
انتباه !
الدلِلول أِبحلكهه تنَوم البعيونهم كومه ملح
مَوطني كلك عشكْ..
كلك ضوه
جي بيك أبويَ يعيشْ شَمعه
الجانْ من يحجي حَجي مو صوت يطلع
نور يطلع يدخل بكّلب اليسمعه
موطني كلك عشكْ..
جي بيك أخوي الفَـكده أشد
الجان عندي بمرتبة روح وجَسد
جان من نلعب يخسر روحه كّوه خاف أزعل
موطني كلك عشكْ..
جي بيك أعز من كلشي عفته
من رحت عَنك مشيت بليل سَكته
أي صَديقي ألمن أجوعَن جنتْ أشبَع من ضحكته
موطني كلك عشكْ..
جي بيك خلي الجَنه يمك عُمر نضحك
وانتَ شاهد جنت تسمَع من كلتله
خِـلي حَيل أعشَك وصالك مامعلمني اعله هَجرك
وللأسف مو خلي هاجر
أني من يَمه أبعدت
بلغـُرب كلت أني حِكمه
وحفظوهه وطبقوهه وهيَج صارو
لاتَقـُل للوَطن أفآ تعتبر كايلهه لـُمك لو لبوكً
منقول
رد مع اقتباس
