تشحط حلاتك البيك--دارميات الشاعر حسين الساعدي
دارميات حسين الساعدي
،،
تشحط حلاتك حيل وتعنه للماي
واشرب سبع دبات مافادن اوياي!!
،،،،،
تكتل حلاة البيك وبكل امانه
والعسل منك ضاك طاح ابمكانه!
---------
تكتل حلات البيك خايب يالاسمر!!
ياهو اليضوكك صاح صاباني سكر
-----------
تشحط حلات البيك محتاجه دفان
من العسل مخلوق ماجنك انسان
------
تشحط حلاتك هاي والله اليجازيك
ضكتك هذاك اليوم وتورطت بيك!!
---------
تشحط حلاة البيك وتودر الروح
من ضكتك الهل يوم بفراشي مطروح!
-----------
تشحط حلاة البيك مدري شجاهم؟
حته المشو وياي سكر لفاهم!!
_________
تشحط حلات البيك عينك علينه
ياخلطه مدري امنين بيك ابتلينه!
________
تشحط حلات البيك وتعَطش اهواي
دجله وفرات انوب مافادن اوياي!!
______
تشحط حلاتك هاي واشلون الاكيك؟
وانشحطوا الجيران من سولفت بيك!
-----------
تشحط حلاتك هاي وشورطاني
كتلك صباح الخير مدري شجاني؟
---------
تشحط حلاتك حيل غاد ابتعد غاد
للموصل اتعنيت حسبالي بغداد؟
____-
تشحط حلاتك حيل هذا الله شاهد
كاموا علي يبجون كل السواعد!
_______
تشحط حلاتك حيل خايب دخيلك
منك عليك اليوم جيت اشتكيلك
__________
تشحط حلاتك حيل شوف التصاوير
تركض عليك الناس مثل الزنابير!
_________
تشحط حلاتك حيل سووها جوله
يمكن من اهل الماي تاخذ عموله!
_________
تشحط حلاتك حيل وبهل قصائد
متنطر الشحطات وبيتي كاعد
______
تشحط حلاتك حيل ويانه طايش
عَملتك ما تنكال جنك دواعش!!
_______
حسين الساعدي
منقوول
رد مع اقتباس
المشاركة الأصلية كتبت بواسطة ملگهہ لآيهہتزلهآعرش❀
