المشاركة الأصلية كتبت بواسطة العراب
بسيطه ,وسهلة ، وما كو أسهل منها ..
أول ما ندخل للغرفة ، وناخذ إستراحه قليلة من التعب والعناء ، أكعدها وأخليها قريبة مني كلش ، وأسوي روحي ضايج وأدخن جكاره ..فأكيد راح تسألني عن السبب ..
فأجاوبها بطريقة رومانسية وكلها مشاعر وبهدوء ..وأكللها حبيبتي آني مامصدك روحي معقول رب العالمين جمعنه سوه ،، معقوله صرتي زوجتي وأم بيتي ، آني مامصدك نفسي ، وأزيد من هذا الكلام الناعم شوية مع نغمه حزينه ، وبعدين أكللها : والله آني خايف يصير بيه مثل ما صار بصديقي أحمد ، شلون بيه ياربي أرجوك لتخلينه نفترق وأجمعنه للأبد ..
بالتأكيد راح تظل تلح عليه حتى تعرف شصار بصديقي أحمد وبالذات من سمعت كلمة نفترق ..
وبعد إلحاح وتوسل منها راح أجاوبها وأكللها :
خطية المسكين كان يحب زوجته قبل لايتزوجون , لكن بيوم زواجهم طلب منها أن تطبخله عشه لأن كان جوعان ، لكن زوجته الغبره رفضت وما قبلت تطبخ ، المهم هو ماسوالها شي بأول يوم الزواج وظلت السالفه تاكل بكلبه ، لأن خلته الليل كله يتمرغل من الجوع ، المهم بعد يومين من زواجهم تزوج عليها , وهسه عايش حياة تعيسه هو وزوجاته مخلصيها بس مشاكل وطلايب ...
وبعدين أمسح شعرها بأيدي وأكللها ماعليج حبيبتي ولا يهمج منهم ، إن شاء الله رب العالمين يصلح حالهم ويعيشون حياة سعيده .. دروحي هسه أطبخيلنه عشه والله كريم شعلينه بالناس . خلينه نعيش حياتنه بعيد عن المشاكل والطلايب لا سامح الله ..
أنا متأكد مو راح بس تطبخلي العشه .. راح تطبخ طبخ مال أسبوع لكدام ، وبيوم زواجها
رد مع اقتباس
عمو لويش ما انحب انفرق بين الناس 
