اكو بعض الشباب يشبكون على اكثر من وحدة بالعلاقات وكلهن نفس الكلام وكلهن حبيباته الوحيدات وما عنده غيرهن بالدنيا وكلهن اول وحدة يتعرف عليها وتلكي الحلفان مشتغل (حياتي والله اغار عليج من اخوج بشرفي بعرضي (طبعا يقصد عرض اكتافه ) وداعت خواتي (اذا حلف هيج يعني ولا اخت عندة )تدرين عمري حتى اغار عليج من امج !! .. حياتي لو اني من اهلج اقفل عليج بجام خانه وبس اعكد اباوعلج وما اخلي احد يشوفج (..ومن تسأله انت تعرف غيرى (كبل صير عصبي صدك جذب عمري اني اعرف عليج انتي شلون تعقليها بعرضي بشرفي يغيرتي وداعة نظر عيني وداعتج انتي الي اغلى شي عندي بالدنيا ..ابد ما اعرف ولا وحدة .. هي تصدك المسكينه شمدريها مسوي كلبه كراج وهذا الحلفان كوله جذب !! المهم خلي نشوف صاحبنه شراح يسوي اذا انكبس فجأة من صديقة وشافت عندة رقم وحدة !!
هي : شنو هذا الرقم !!! ومنين هاي الرسالة كولها غزل ؟هاا
بدالة 1:
هااااااااا!!!يارقم شو بله وينه ؟؟ على اساس ميدري شنو الموضوع .. شاف الرقم مال الثانية ! كبل يبدي باتسامة عريضة ووجه اصفر طبعا و هههههههههههههههههه صدك جذب حبي والله عبالي فد شي ؟؟ والله لو تعرفين منو هاي ههههههههههههههههه هاي اختي بالرضاعة واصلا حرام هههههههههههههه عليه جانو جيرانه وامه توفت بالولادة خطية واني جنت ستوني صاير وامي رضعتها وياية يعني حرام عليه اختي والله اختي صدك جذب!! صدكت الفطيرة ..
بدالة 2:
كبل يدغلم !!والله هاي شلعت كلبي بس تخابر ودز رسايل وشكد ارزل بيها ميفيد لزكة مدري منين عرفت رقمي الحقيرة ((وتلكيه هو طاير وراها شهر ياله قبلت تاخذ الرقم منه)
بدالة 3:
صفنه طويله : حياتي هاي صاحبة صديقي ومرة شافتني وجلبت وما اعرف شلون اخلص منها؟ حصلت رقمي وضلت تخابر .. بس اني مالي علاقة بيها ابدا اعتبرها مثل اختي ومستحيل اباوع لصاحبة صديقي هذا مثل اخوية .. وهاي بس الناقص يسويها ..!! انهجم بيتك يالشريف يلي ماتشيل عينك من الكاع
رد مع اقتباس
المشاركة الأصلية كتبت بواسطة ملك المنتدى
