تيهن من اشوفك وانشد الناس..... .....ياهو الشاف منكم تايهه احروف
يتشبك الساني ووجهي الوان ...... ... وتشب جمرة هواك وتحرك الجوف
اعاينهن عطاشه امفتحه الحلوك ........ هيج اجروحي سوت بيها السيوف
يعض حلكه الجرح لوشفته ملموم .........لان اتذكريتك كالك اوف
مو كل ملكه تلكه بملكته الخير ............ يموت النهر من تتلاكه الجروف
صعب ملاكاك صار وجزت الروح............. لأن ماعون حبك لحسته جفوف
يجيها النوم لاكن تطرده العين............ خاف وياه جايب منك اطيوف
حركه اعليك بيه العملتك هاي.......... مثل حركت غيور وطلع محيوف
فرد مره طحت جن حايط وطاح ........ ولاجن العمر خلصته بالسوف
انه كليبي رصافي وروحي بغداد...... تجذب لوكلت مابيه معروف
ثلمه بعيني صارت لمن امشيت...... من كد ما ادك الجيتك الشوف
ضميت وما جبت بكلاصك الماي ........ تكلي كلاصي طاح الماي مزروف
صورك شوهتهن وسط العيون .......... لان ذريه فعلك بيه مقذوف
تعله اصواتهن من الضرب حيل ......... تشيل ايدك تضيع اصوات الدفوف
اته بملكاك احس اتموت الجدام ...... مثل عاشك يروح بخله زافوف
مو كل رجفه برده وتنطفي بنار ....... جهنم نار بس ايرجف الخوف
يشتمهن نفس من يطفر الذيب ..... متغشه الغنم لو عزلت الصوف
........................... اتمنى قد استمتعت بالقصيده.......................
رد مع اقتباس
