باختصار ؟ من الشطره
باختصار
انه موعبرة وكت للماله تالي
وانه موسجة قطار
تسحك بريلك عليه ولامحطة انتظار
وانه موجلمة سكارى
الليل يحجيهه ويصد عنهه النهار
وانه مودمعة يتيمه
اتبات بعيون الهظيمه وتنذبح خلف الستار
باختصار
انه امير الصابرين
ومني شك ثوبه وشرد حته الحصار
وانه امير العاشقين
وشهرزادك تحلم بحبك يسولف شهريار
باختصار
من اكلك خل ابوسك
يعني لازم خل ابوسك
وانت بس اتكلي صار
..................
ومضه ....
بالطيف من اشوفك انه اصيح الله
انت شكد حلو وحته احله من كلك
لواشوفك صدك واكبال عيني تصير
ماصفك بديه بعيني اصفكلك
خايب انت شنهو وانت شنهو شلون
المثلك كفر ينكالك شنهو
حته انت بكثر ماجان دايخ بيك
دك بابه اعله روحه وصاحلك منهو
وغيرك مااحب وشلون اشوفك غير
غيرك هم اجاني وجني ماشفته
بس انت وعلي وكلش قفلت اعليك
لوحطوابصفك سطعش انته
انقفل كلبي عليك بقفل ومضه(1)
وسهم لحظك نزل بحشاي ومضه
تعال اسمع كتبت شلون ومضه
انه من ارداوصفك شرداوصف بيك
فطاحل بالشعر عجزو يوصفونك
الناس عيون عدهه وانت بس عيون
ادري شلون اعوفك واخذ عيونك
(1)الابداع يسجل للشهيد بارق العاشق حيث هو اول من اشتق الدارمي من الابوذيه(دارميه)للامانه مع التقديرلكل المبدعين
.......................
نص ليل
كدرت الفرح للركبه صار اوياي
واردان الفرح ماوصلن لزندي
وكدرت الحزن شفته اعله طولي يلوك
ومفصل عليه وصاير بكدي
ومن ظيم العلي ظليت ابيع هموم
واسعار الهموم امسجله بخدي
الرايد حزن ياخذ حزن بالدين
والرايد فرح يعذرني ماعندي
اجي كتلي من اصيحن وينكته
صرت نكته بزماني وينكته
ولك دمعي من اكته وينكته
طريج من الدمع ماظل اليه
وانه اويه الحزن عشرتنه خد وعين
انه الخد صرتله وهوه اخذ عيني
ايبجيني اعله كيفه وشفته مامرتاح
كتله الخد الك بس لاتبجيني
بجاني العمر كله ومشيت اوياه
ينساني اويرد ماكله تانيني
اذكر بالحلم شفت الفرح عالباب
حسبالي الحزن من شفته ناسيني
مد ايده اعله خدي وكال تضحك ليش
كتله اضحك جذب واتشاقه تدريني
ترباة الحزن وانه اسمي نص الليل
يالطولك يتيم ولابس اسنيني
نص الليل اسمي وبس عليه يلوك
فدوه بغير اسم بس لاتسميني
سموني الصبح مره وكمت مرعوب
ماريد الصبح وبليلي خليني
العمر كله كظيته منعاني
طحت محد لفاني منعاني
بنعش مطروح ليلي منعاني
استحيت وصبحت جناز بيه
.........
شفتك بالحلم
شفتك بالحلم تبجي وبجيت اعليــــــــك
حيـــــــــــــــــــــل وفززيت النايـم من النوم
هسه اكبالك ابجي وماتكلــــــــي شبيك
عفيه انــــــــــــــــــه شكثر بمحبتك مظلوم
داريتك طفل وبكيفـــــــك امخليـــــــــك
وساكيتك حنان وجرعتنـــــــــــــــي هموم
تعطش جنت تعطش من دمعتي ارويك
واعصرلك جفوني وما تــرد مهظـــــــــوم
ياكلك عذاب وويـــــــن ماوديـــــــــــك
تبرالي وخيالك فـــــــــــــــوك مني ايحوم
تزاعلني او اجي وبسكون انه ارضـيك
وطبعك ذاك هوه وماتغيــــــــــــــــــر يوم
مغرور ونهاية كل الغرور البيـــــــــك
صاحب ماالك وبروحك انت تلـــــــــــــوم
ياهو انت وتصد عني من اصدن ليك
ومن اكعدكبالك ليش عني تكــــــــــــــوم
شايف روحك احله ؟اوياي شموازيك
غيرك لو اريد تطيح حــــــــــدري انجوم
وصدكني الحلاة الجانت اتحليــــــك
حنظل هم تصير وتكطــــــــــــع الزردوم
وطيور الربيع الرف جنحهه اعليك
وازاهه الخريف وجفلاهه الحــــــــــــوم
رد مع اقتباس
المشاركة الأصلية كتبت بواسطة علي الاسدي
