هنا

[بهلول الرشيد]

حلم اليتيم -ديوان الشاعر سعود الخفاجي

حلـــــــــــــــــم اليتيم

سعودالخفاجي
الشطره
...............

جـــــاهـلــــــــــي؟؟
لاتكلــــــي شبيك من اصفن عليك
وسرك بكلبــــــــــــي اليحـــــبك دافنـه
عاصفه الدنيا ومطر مجنونه بيك
ومـــــــن ضحكت الدنيا ظلت صافنـه
.........................
بين عيـــن وعيــــــن احطك لو اجيت
يالله كلي شلــــــــــــــــون روحي تعــوفك
خاف وحده تشوف غيــرك تشتهـــيه
حته الاخره من تصدلـــــــــــــــــه تشوفك
انه خايف ماتجي وعيني عليــــــــــك
ومني كتلك ماكوداعـــي لخــــــــــــــــوفك
السفينه التبحـــــر بمايــــــــك تعيش
خاف تغرك عينها اعله جــــــــــــروفــــك
بين خدك والحلك ظل مشتهــــــــاي
وانه خطارك بعد؟؟ معروفــــــــــــــــــــ ك
المضيف اعله البخت مبني ويطوف
وانت راعي البخت كام يطــوفـــــــــــــك
ياخلك فنجان من كدمستحــــــــــاك
ظلت عيون الدلال اتحــــــــوفــــــــــــ ــك
وانت طولك سفرة امعزب واخاف
تنفتح يمك شهيـــة ضيـــــــــــــــــــــوف ك
جاهلي من اعشك واحب بس بجنون
وعشكي خارج قوس عـــــــــــن مألوفك
اكتب اسمك واقره بس بدون صــوت
اعله الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعــــــــــــــــــــلم ياحـــــلاه بجفوفك
تدري بطيوفك على عيوني من اجيت
اعيوني خر اسبالهه اعله طيـــــــــــوفك
...................
لوحه
نوربوجه نور البيك مالـــــــــه حــدود
اجمل لوحه رسمت ريشة المعـــــــبود
تفصال اعله كدك فصلاك وعـــــــــــود
زادت وصله منك حطهـــه بيــك اردود
بس للشوف يمكن ربــــــــــك امسويك
وباب الشوف انت وانت هالــمســـدود
كتلة ضوء انت ومن تجينــه تصيـــــر
(كتلة)ابرياء بلاجرم مشـهـــــــــــــود
قاموسك ضحايه مــــــــن الالف للياء
كلهه تروح عنك وانت بس مــــوجود
نوصفك بالغلط مرات نطــــــــرد عين
ناسك خلصت نص مات نص مـطرود
عنك موحلو كلناهه شدهــــــــــــة بال
عاين بالوجوه ايبين المقصــــــــــــود
تزعل كلنه نزعل ترضه غيــــر نموت
تضحك الله يعلم تحرك النــــه اجـــدود
موش عيون تاهت النه بيــــك حلــوك
تاهت ياحلونه بنص حلاتــــك جـــــود
صفنة ليل طولك والخصـــر ناطـــــور
فوك اسوار مجدك كاعــــدالنه اكعـــود
صناكر عالصدر حطــــو عمامـك خاف
واحد تدنه نفســــه ويلزم العنكـــــــود
وجناتك شكر قــــندول وجهك جــــــام
ابيض والهـــــدوم انوب كلهن ســــود
شطالع غيــــر ربك لطف بينه اليـــوم
لوواكف شويـــــه جارحت فرهـــــــود
تمشي ولو مشيت الكاع تمشي اويـاك
اوكف خلهه تمشي واحنه نوصل عود
وتريد الصدك ظل امشي تعرف ليش؟
بس توكف يجي ويلتم عليك الـــــدود
.......................

انت لوحدك
كالو وصفو عنك حجولي هـواي
وكالو كل حلو وهم تلكه بيه لوله....
ومن شفتك شفت مابيك هلكد لول
بس عيـن التشوفك تنكلب حــوله....

اريـد اكعد واجرلي ونحـــــوله ....
واخبره اسباب ضعفي ونحوله ....
النحولي شلعو كلبي ونحولــه ....
خيرهم شبــع كفران بيـــــــــه
يالحسنك بخت وببابـه احني سنيــن
بابك لاتسده بوجـه اليكصـــــــــــــــــــد ك ....
انه بحضرتك رايدلي بس مـراد
حته احلف وكلهم من بخت جـــــــــــــدك ....
طولك معجزه ومن تمشي مدري شلون
ظلك يفتخر ويحــــــــــــــــــــــ اول يقلـدك....
كبلك؟ عاصفه ومن توصل انت اعصار
شك ثوبه المحيط وماجزر مــــــــــــــــدك....
اشتاكك تجي ولو جيت اموتـــــــن بيك
ومن سدك اخافـــــــــــــــــــن واختل بسدك....
يالكلك لغز ماصحله كـــــــــــــل تفسير
والرايد يفسرك لازم بكـــــــــــــــــــــــ ـدك....
يبدي من الجدم لاخر مجسم بيــــــــــك
ومناه للصبح مايوصـــــــــــــــــــل لحدك....
انت لوحدك بس جنهه كلهـــــه اوياك
يمته اوياك اصيرن واخذ الوحـــــــــــدك....
الشافك بالوصف كض كلبه بيده اعليك
والشافك صدك رد يبجــــــــــي من عندك ....
خصرك بالضبط مركز ثقل للعيــــــــن
ياعين التمرهه وتقبـــــــــــــــــــل اتهــدك....
خدك من يصير اكبال حلكــــــي يدوخ
شيظل بالحلك مــــــــــــــــــن يوصل لخدك ....
..............

ياضواك
صحره ومتانين ماتمطر شجاك
تدري عطشانين الك منـــــــــــــــذ الازل
وانت رحمه ونزلت اعله امك وابوك
واعله هاي الفقره ماتدري اشنــــــــزل
تدري لومريت كلنه اهلك نصير
والنه كلنه تصير بس انت اهــــــــــــــل
حجار نشمر عاليمر بينه اويعيل
وانت من اتعيل نشمرلك قبــــــــــــــل
غزل مانكتب لان كالو حرام
استغفرالله نكول لوذكروهبـــــــــــــل
ومن يمر طيفك علينه ندوخ بيك
ونصحه تالي الليل نكتبلك غـــــــــــزل
انت بيك اثنين رهمن بس عليك
العاقل تسودن والمسودن عقـــــــل
العسل شافك حلو جلب بديك
وجاب اديك اعليه وغم روحه العسل
وين يمعودتعال وبس تعال
وشوف ياهو المات وشلونه العـــدل
انت من تضحك نظل نبجي عليك
شلون لودمعك على خدودك همـــل
ظلمه صاراسنين نتنطر ضواك
وياضواك الصارللوادم امــــــــــــــــل
عدنه لاله من اهدهارون الرشيد
ولان ماعدنه نفط ماتت خجــــــــــل
ومن اجيت انت اجتنه الكهرباء
والكلوب المحترك عدنه اشتعــــــل

[علي الاسدي]

​الله الله يامبدع كلمات رائعة طرح مميز تقبل مروري وتقيمي البسيط

[بهلول الرشيد]

اسطوره
شهل بياض البيك يمعود تعال
فوك هذا وشايل مرايه بديك
عمي لو عدنه مثل وجهك حرام
انذب المرايات ونمشط عليك
.............
دور وجهك فدوه عن عيني انعميت
انت وجهك موطبيعـــــــــــــــــــ ـــي بنوره
سولفو عنك كبل ماصدكــــــــــــيت
ومن شفت وجهك لكيته اسطــــــــــــوره
شنهي بابل شنهي سومر لوحجيت
وياهو هذا الراسم الزقـــــــــــــــــــــ ـــوره
اور من طين انبنت وانت انبنيــــــت
من ضوه وظلك طلـــــــــــع حــــــــــــزوره
من تجي بتموز اظل ارجف عليـــك
تريد بجويـــــــريـــــد احس بحـــــــــــروره
تمشي موعالكاع جنك لومشيت
الناس كلهــــــــــــــــه تصيح وجهــك دوره
وكلهه تلتم من تجي وجنك ثواب
المايعرفك راح جاب اكـــــــــــــــــــــــ دوره
اوكف اشويه اعله بختك مشتهيك
احجايه وادري بحضرتك محظـــــــــــــوره
اطيني خدك ؟ها ولو؟زحمه عليك
خل اضوكه بريجي احس مـــــــــــــــروره
وصوره خل ناخذ سوه وبعدين اموت
عالاقل وياك ماخــــــــــــــــذ صـــــــــــوره
.......................

مشابك يتامه
يالطولك جزيــــــــــــــره شمامشيت اوياك
باعصـــــــــــــارك تلفنـــــــــي وتذبح اصراري
ولاده اعله شفتك وانه ابــــــــــــن زيدون
اسكت خل اسولف معجـــــــــــــــــــــم اشعاري
وكدرني اعله طولك خطوه خطوه وشوف
ياخطـــــــــــــــــــــ ـــــوه البطولك تلفت انظاري
من جدمك؟ لخصرك؟ للصـــــــــدر؟ للعين
ذبني اعلـه الشفايف وافضــــــــــــــح اسراري
تلكاني اعله طولك كلـــــــــــي ميت شوك
ويابخت اليمـــــــــــــــــوت بطـــــــــولك ويفتك
مالح طبع كتلك بيـــــــــــــــــه غزر ليش
كمت اتحط ملح بجـــــــــــــــــــــــ ـروح عاشتك
دوخت الخلك واولهم انــــــــــــــــه اوياك
ياكــلــــــــــــــــــش ولاعالبــــــــــــــال سالفتك
امشي وبالعكس من امشي احس ظلــيت
ولوشفتك تجـــــــــــي وحسبـــــــــالي ماشفتك
مره وبالحلم مربيــــــــــــــه (جنك) يوم
ومكيف جنت حسبالــــــــــــــــــــ ــي هوه انتك
كظيتك مثل كظة طفـــــــــــــل للعيـــــــــد
ومشابك يتامـــــــــــــــــــــ ــــى اوياي شابكتك
سديت اعله طولك باب اديـــــــــــه وحيل
رديتـك عليـــــــــــــــــــه وبيـــــــــــــــه جلبتك
عطشان بحلـــــــــــــم ولعيني جبتك ماي
يمكن لــــــــــــــــــــــــ ـو صدك جاللحلك جبتك
........................
دفان العشك
يالمالك شبيه شلون بالله اوياك
سولك جاره فــــــــــــدوه اويه اليحبونك
من كدماعليك وبيك ماتوشوك
دفان العشك كامــــــــــــــــــو يسمونك
جاملهم ولوبالجذب مره وشوف
وعلي اعلـه الروس من تضحك يخلونك
اضحك موزهكنه لخاطر العباس
لــــــــــــــــوحالف كبل ماتطلع اسنونك
حظ منين نلكه اويكعدلنه اوياك
اذا حته اليتامـــــــــــــــه اتكلك شلونك
اضحك يالضحكتك رحمه للميتين
واقره القل اعـــــــــــــوذ ومايحسدونك
انت تموت عود وتندفن بالكاع
وياكاع التضمك مـــــــــــــــــــن يدفنونك
انت اصلا هوه وعالورد لومريت
الناس اويه الورد همه اليشمـــــــــــونك
نسخه انت وعلي من الماي مومن طين
وسراب تصير بعـــــــــــــيون اليرسمونك
رسموك شكثر بس شنهي من رسموك
خيط ومصطره وماجابــــــــــــــــو اعيونك
دافنشي اعله طولك وكف يرسم بيك
ظل صافن عليك وماعرف لــــــــــــــــونك
اضطر ينتحر من شاف طولك ماي
واذا انت الماي جابيمــــــــــــن يغسلونك
......................

[بهلول الرشيد]

كشر جام
احبك مومثل كـــــل اليحبون
مجنون وعثرله بخيط مجنون
اذاطيفك يجي ارميله جيلات
اذا انت تجي شرميلك عيون
احبك مااحب غيرك ونهــواك
ومايك لونشف ريجك ونهواك
حبيبك وانه محبوبك ونهواك
الموته البلنجف يدرون بيـــه
ركبتك هاي فدوه لوكشر جام
صارسنين وانه مسودن بهــــــــــــــــاي
عليك الماي جنه الماي لوطاح
واذا تشرب الماي يبين المــــــــــــــــاي
الحور اوصاف بيك اعتقد منطين
وثكل بايع عليه شكثر منطيــن
اتخبل وانت اصلك عود منطين
اذا من تين جاشتسوي بيــــه
عمر يم الجرف كظيته عطشان
ويمر تموز بيه ومامش فيــــــــــــــــاي
يكص ضلعي الشته وماكول بردان
وينام بعين ليلي ويكعد شتـــــــــــــاي
اجيب غطاي فوكي واغفه لحظات
يمر طيفك عليه وياخذ غطــــــــــــــاي
اون ون اليتيمه بليلة العيد
وونين الليل يكسر خاطر النــــــــــــاي
وعليك بطور انا الياويل غنيت
وعله الياويل طاحت دمعة اغنــــــــاي
كبل ماحب جنت وياي مرتاح
هسه اوياي كام يسولف اويــــــــــاي
اكول انساك هسه وباجر انساك؟
كبل باجر اشوفك بالحلم جــــــــــاي
ميت لاتكول اهواك بلحـــاي
ولوبين بياض الشيب بلحاي
اذاكالو حبيبك ضحك بلحاي
يرداسودبياض الشيب بيـه
................

[بهلول الرشيد]

عطشانك؟
ادك بابي اعله روحي وكلي الك ملهوف
وكون انته التدك بالباب كـــــــــــــــــون انته
جاجيتك ركض وبروحي احطك روح
والباب اعله مودك كلـــــــــــــــــه جاشلته
الهوه عندي من اشمك ياهونته
وتهـون بعين خلك ياهونتـــــــه
ادك بابـــــــــــك تكلي باهونته
انا البابك عمه عيونه اعله اديه
يالعشتك حلم عشرين عمر صباي
وبطولك حلــــــــــــــم عشريني راوسته
مفطوم اعله طولك سوله بالمفطوم
عينه لصدر امه وهيــــــــــــــــه فاطمته
عطشانك فرح والفرح كله اوياك
شيضرك ولو لوكلبي فرحتـــــــــــــــــه
صفاني الدمع ومنين اجيب ادموع
وابجيلك حزن واستعطفك حتـــــــــــــه
عميت وكمت ماوجـد وظليت
طريجي وايست منك وظليت
اعالج بالنفس عكبك وظليت
تجي وبيدك تنكط الماي اليه
علمني الكلب شنهو انته من اشتاك
وانه اعله الصبر والتكــــــــضي علمته
وعلمني الجدم لوجل اجيك زحوف
وعنك هالجدم مايوم كصرتــــــــــــــه
اشبده وشوكك لخلك منجفيته
وعليه شكلت بالله منجفيتـــه
سهم غدرك كتلني منجفيتــه
بدليلي ولاخطه من اكبل عليه
تانيتك عمر وبجفي شلتك عود
ولعودك امس دم كلبي رخصــــــته
وداريتك غصن وبسدي جنت تلوذ
ظل اوياك اشبن واحترك سكتـــــه
كل بارح يمرك انه الك نيسان
وانته بنص خريفك كلبي يتمــــــته
حلم جان بخيالي مرعشتـــــــه
ودفه ضلوعي بغيابك مرعشتـه
رعش كلبي وعرفته مرعشتــه
مورعشه صحوة موت رعشة دليلـــي
ومن شفتك من بعيد كمت اعله حيلي
وناطرتك فجر واسمك نهاية ليل
ينطر الفجر متكلي جايمــــــــــــــــته
لاباجر يجي ولاليلي عني يروح
وبعيني الصبح مطويه سالفــــــــــته
ميت وشتظن اقتنع من يعيش
وانه الكبليته وبيدي جفنــــــــــــــته
بصليل اشتاي واشتاكك دفنته
دحن دشتاك لكليبي دفنتــــه
وجوب الميت عالمسلم دفنته
ونا الميت عليك شلون بيــــــه
.................

كلنالك حلو
لان انت ورد نزعل اذا تنداس
وعليك نموت كلنه ومحد يدوسك
ولان انت حلو ونخاف نلزك بيك
كمنه انرش عليك أميـه ونبوسك
...............
خجلت الورد يكسر الخاطر ليش
فدوه اشويه حط اعليه مــــن عندك
ياصفنة خلك شاعر مسودن بيك
يبدي منين بيك ويوصل لحــــــــــدك
خدك شاف خدك كام صله اعليه
وصاح استغفر الله وباسك بخـــــدك
كلنالك حلو شمدرينه تطلع سيف
تذبحنه ونرد بركابنه انحـــــــــــــــدك
نعرفك موت احمر بس نحبك ليش
هاي المدري ليش الصارت ابكــــدك
حضره تكول حضره وايد بابك موت
ونفتحك علينه ونرجـــــــــــع انسدك
واحد من تجينه وبيك ميه انشوف
ونعدك بدينه ونغلط ابعــــــــــــــــدك
نتعارك عليك مــــــن الصبح لليل
وضدنه نصير كلنه ونكره الضـــــــدك
نوكف بالسره انتانيك يمته تفوت
وتطلع طول بينه ومحـــــــــد ايــردك
نتوسل ابطولك حته نشبع شوف
ونشبع موت ليش ونحلم بـــــــــودك
اعيونك مانكول عيون والله انخاف
من اعيونك عليك تكوم وتحســـــدك
نظره بطرف عينك ناس تردم ناس
موطاحت عكلنه من احترك جـــــدك
..................

[بهلول الرشيد]

اذامريت
يالعينك حديقه وحاجبك سور
ومن تحجي الحجي بلون التراتيل
صلف صاير صلف كلش هالايام
وثكل كايم تبيع وصايــــــــــــر تعيل
ولك انه البعت عالوادم النوح
ويدك عالراس خليت المقابيــــــــل
وانه البلدرب من اوكف اسبوع
الدرب يتخضب بدم المجاتيـــــــــل
تراميني بحجر وتكول ماشوف
وحجارك طلع موطين سجيــــــــل
وطيورك كبل جانن حمامات
وحماماتك علي طارن ابابيـــــــــل
يكض روحي ويغثهه جيله جيلــــه
بدليلي همومه اعدهن جيله جيله
امر واسمع باذاني جيله جيلــــــه
كبل لايلتفت ويردعليــــــــــــــــــ ـه
وكت خلاني اسولف بيك مجبور
ومدري شلون صاحبت المخابيـــل
الحلاة البيك ماموجوده بالغير
ولعاب الغير من يشوفك يسيـــــل
اذا مريت نوكفلك صلاوات
اذا صديت نسجدلك تماثيـــــــــــل
اذا تضحك جذب نكعد بالايجار
اذا تضحك صدك معناتهه نشيــــل
لان انه احبك عنكشرتــــــــــك
وكلتلك فوك كلبي عنكشرتـك
شكل للناس عنك عنكشرتــك
انذبحت انه وكشرتك ذيج هيه
تي ان تي اعله صدرك واحنه بغداد
ولانك موت صرنالك معاميــــــــــــــــل
نسبه من الايتام اتخلي الحروب
وانت لوحدك خليتلك جيــــــــــــــــــل
نحب شخصك اذا مريت ونجيل
وعلينه شهود الك توراة ونجيل
جذب ماون عليك الكلب ونجيل
وتيتم جيل مــــــــن فركاك بيه
....................
عيونك لو عيونك
ردت اكتب قصيده وبيها اوصفك كون
وردت مــــــــــــــن القصيده تسولف بكونك
كظيت القلم واعليـــــــه اوصف بيك
كتله اكتب احبك مــــــــــــــــــــــــ ـويحبونك
غافلني القلم تدري شطلع مكتوب
ماكاتب احــــــــــــــبك كاتب عيــــــــــــونك
.................
اعيونك لواعيونك ذني الله اعليك
لافــــــــــــــــــــدو ه صدك خافنهن اعيونك
يمعودجريمه اعليك هيج عيون
وصوره اتظــــــــــــــــل خيال ومايكتبونك
تدري اجمل قصيده اعله المنصه تصير
والاجمل بعــــــــــــــــــد بعيونـي يقرونك
يارقة الماي اعله الورد لوطاح
بوكه تبوك لـــــــــــــــونه وينحسب لونك
ياومضة خيال وفلسفة طاغور
ياليلة زمانك وانــــــــــــــــــــــ ـه مجنونك
ساحرني وعلي وماريد اكلك غير
(خيعونك عليك وبيك خيعــــــــــــــــونك)
اتشخبط شخبطاني استغفرالله وراح
حط كــــــــــــل العسل بشفاف ماعونك
شلونك لاتكلي شلوني مامش لون
ولاتعطف عليــــــــــــــــه بجلمة شلونك
اذابيهامجال شويه صير اهناه
واوكف عالحقيقة وشوف مسجـــــونـك
يمعود كطعنــي العطش وانت الماي
وانت العافيه بوجــــــــــــــه اليشربونك
بعيوني شكثر شايف كبل حلوين
كلهم مــــــــــــــــــن اقـارن مايلحكونك
احطهم بالسره ويتغالبون اوياك
واطيهم مجـــــــــــــــــــــال ومايغلبونك
تتشابه الناس اوانت مدري منين
واحـــــــــــــد مالكيـــت من اليشبهونك
يوصفونك حلو وبالعين من شافوك
شيره اعلــــــــه العسل كامو يحطونك
...............
سيدفلان
بوسه اطيني كتلك ماكفرت شصار
كلت لامك عـــــــــــــــــــلي وكبت الهوسه
حلكك بي اشكال اطينه خــــدك عاد
وجنك ماشفتني وماخـــــــــــــــــذ البوسه
..................
اوكف مره يمي وشوف انه شلون
من توكــف اكبالي وتبتسم مـــــــــــــــره
موبس ابتسم اضحك ضحك مجنون
واخذلــي عليك اربعطعش فـــــــــــــــــره
فرة دلمه ابنص ليل فريت
عليك وفورة التيزاب فريت
حكك مادريت شلون فريت
الجهات الاربعه اتكلك عليه
مااكلك حلو ومن يوسف احله اهواي
خايف مــن اكلك تنحسب كفــــــــــــــــره
بس انت حلو وموبس حلو المفروض
نبني بكل قصيده لخاطـرك حضـــــــــــره
ولان طلاب كلنه وانت سيد فلان
كون بكل خميس نروحــلك سفــــــــــــره
خايب خبلتني شظال بيه وشوف
موصفره اواصدكك لوكلت صــــــــــــفره
كافي لخاطر الله وسايم الله اعليك
ليش انت اليحبـك لازم اتكـــــــــــــــــفره
حته الخلفك ماكدر يحجي اوياك
حط مره اعله روحه وجابهه بدفـــــــــره
واحد جابتك امك وحالت بيك
وظل صافن عليك العــالم اباســــــــــــره
غيرك شال سيف وماذبحله اثنين
وانت بلايه سيف وتذبح العشـــــــــــــره
وصار شكدعليك انشد واكولن وين
ووين تجيب ويـــــــــــن وبالكلب حسره
لاميت واكولن مات حتــــه انساه
ولاغايب وكول يعــــــــــــــــود وانتظره
وينك موخلص ثلثين عمري اعليك
بس انخــــــــه الحسين وشابك الحضره
شايف من تجي ولو بيك اسمع جاي
اول ماتجينـــــــــــــــــي افترلك الشـطره
ولتكلي انتظر راس الشهر وتعــود
ياراس البقــــــه وماشاب مــــــن شهره
ميت وبنعش بيـــــــه انت مامريت
يمته اتمر عليه بفرحــــــــــــــــة الزهره

..................

[بهلول الرشيد]

اذا عني رحت
اذاعني رحت كلي انه اروح اوياك
لان كلك جزء بس عايش بكلــــــــي
واذامره شفت وياك ظل يطوف
موظلك حبيبي وداعتك ظلــــــــــــي
اغار عليك من طولك وظلاك
شجاك شغير طباعك وظلاك
انا المفتون بعيونك وظـــلاك
مثل ظلك عليك يدور فيـــــه
موشاعر واريد اوياي بس تدوخ
بس الشاف مثلك يعذر المثلي
انت انت شكثر سبحانه خالق بيك
وبيك شكد محاسن ربك مخلي
خدينك كمر واعيونك اولايات
والحاجب زحل من ترمش يصلي
ومن تضحك غنج مرات انت اوياي
موسنك عطارد جنه يضحكلي
في ليل الزلف وشفاف عندك تين
والزهره اعله صدرك شفته متعلي
وجبينك شمس ياجل من سواك
كــــــــل هذا وبعد ماشايف اتكلي
موبس عيــن بيك انت وجنبيك
واحس ميزان عكلي اختل وجنبيك
المحاسن كلهن التمن وجنبيك
من ابوك تخاف جانه شلون بيــــه
ماشايف كبل وعيوني عثرن بيك
واول ماصحيت عيوني الك صدن
شفتك موبشر جنك ضوه اعله الكاع
من تمشي الكواكب كلهن يسجدن
وصفتك كبل بس ماكدرت اعليك
وياثكل القوافي من الفشل ردن
تألــــق حيل وابدع والقوافي
اتزانه ونور وجهه والقوافـــــي
النظربالعين كفكف والقوافي
اعله حسن البيه هيه تكود بيه
مجنونك صرت مد خيط للمجنون
بالك ينكطع وانوب تتوهدن
وشيخاصك بعد تدري انه بالساعات
وموكلهن سوه الساعات لوعدن
ساعات اعله كيفي وجني ملج الموت
من اصفن عليك شويه واترهدن
وساعات ارتعش والخوف يمشي اوياي
وسيوفك احسهن بيه ينحدن
فض خلكك علي بس انه وانت شبيك
وامن لواجيتك واطمئن جدن
امسودن نعم بس انت تعرف زين
ماخوذه الحكم من حلك المسودن
..................


ماكول انه حلو

عندي انت مثل الحلم
وارتاح من تفوت
ولوعندي مثلك صدك
يمكن بعدماموت
العنده مثلك حلو
لازم يحب ايده
متعافي لمن يجي
ويكول ماريده
ماريده؟؟
ماريده يعني كفر
من يرفض النعمه
بس هي هم مشكله
الشاف نورك عمه
الماشافه هم يعمه
وماكول انه حلو
لوسولفو عنك
بس انه كلش حلو
لوعندي نص منك
ولوانه مثلك حلو
ولوشايل اعيونك
حركه اعله كلبك اجي
وكل ساعه اروحن واجي
ومااكلك شلونك
موعن غرور وعلي
ولاذلك الغايه
بس انت مثل الشمس
وبصفهه انت الشمس
وخدودك مرايه
الشمس من تبتسم
ياهو اليصد للشمس
وحدهه ماتنجهب
شلون من تنعكس
ومن نور خدك خذت
بالفيزيا اجمل درس
باجر بعد مايجي
واليوم ماينتهي
معناهه ماكوامس
الامس يعني امس
بس هو جان اليوم
من اليوم ماكو امس
جي انت طالع دوم
ولو انه هلكدحلو
والوادم تحبني
ماحبهه كلهه وعلي
وبس انت تعجبني
تعجبني كلك صرت
يالماكومن كلك
تسعين غيرك اخذ
ماصفكتله وعلي
ومن كتلي ماخذ صفر
ظليت اصفكلك
الصفرعندك صفر
بس ميه الك باذني
وهنياله بيك الصفر
كون انه اصيرن صفر
حته انت تاخذني
وهنيالي انه شكثر
هنيالي بس هيه
هيج انه حظي حلو
وتاخذني من ميه
من ميه غير انتحر
بس تغلط بعدك
وارجع واصيرن صفر
من الزك بخدك
...............

بلبل واغني الك؟....اطلق سراحي الصبح لاتبقه حابسني
--------------------------------------------------------------------------------
بلبل واغني الك ..
اطلق سراحي الصبح لاتبقه حابسني
ثوب انه وابيض كلب
تحلم جنت بالحلم تلبس شبر مني
لابسني؟ انه اعترف
بس انت كلش حلو جي انت لابسني
يالتمشي حركة كلب ؟
نعله اعله ابوالخلفك
ليش انت جابك حلو وخلاني احبنك
من تمشي سيد هلك
بس انت سيد فلك
رحمه اعله ابيك كلت وبكلبي اسبنك
مريت كتلك امس
مولاي شوغلست
باوعلي شوف شكثر
داريت روحي بعد شلبس واعجبنك
تدري انت موبس حلو؟
انت انت كلش حلو؟
الاعمه لمن تمر
اجلال يوكف الك ويصفك لحسنك
من تمشي باقة ورد؟
بس ياورد من صدك
للجنه اروحن كبل لومره اشمنك
بس انت ماتنلزم تذبل اذا تنلزم؟
وجفوفي شوجة بحر جابيش الزمنك
ليش انت صاير لغز ؟
دوخت بيك الورد
مدري انت جنك ورد مدري الورد جنك
ماي انت من تبتسم؟
تتطشر بكل كتر تنشاف كلش سهل
واحتاربيك شكثر لوردت المنك
واتمنه لو تنرسم؟
واكبالي تكعد سنه
وبايدي ورقه وقلم وبكيفي ارسمنك
بس انت ماتنرسم ؟
مره رسمتك حلم
عالورق واسمك رسم جاليش افز منك
انساك مره كلت؟
بس بيك اسولف كمت
ومنين ماالتفت كدامي اشوفنك
اشفاف عندك وطن؟
جنه العراق وعلي
وبيهن اذا جلبت شتكول اعوفنك؟
وانت انت مدري شكثر من تدك باب العين
اثنين اشوفك كمت ؟
واثنينكم اعتقد
شايفكم انه كبل بس كبل يمته ووين؟
ماادري بس المهم ؟
من تمتلي الذاكره
ومن عدهه امسح جزء بالذاكره الكه اثنين
واحد يشبهك صدك
جنه انت طبق الاصل والثاني مدري منين
واسألني عنك كمت؟
وازهك واظل مضطرب لوردت مره انساك
ومن انسه اتذكرك واتحلم بجيتك
وانه ادري وي الحلم بس يكظي ماالكاك
وتلكاني مااعتقد لودورت عني
بس انت لودورت عن فاقد الذاكره
بيه اعله مثلي اعتقد تلكه شكثر مني
..................




حلم اليتيم

ادك الباب وادري الباب مسدود
واغمض عيـــــــــــــون مستحيه وادك اردود
ادك اردود واسمع صوته من بعيد
اسمعه يصيح ماموجــــــــــــــــــــ ـــــــــــود
وكت طلك حياءه مستحبــــــه
وصديج المايحبني مستحبـــه
اذا جانت عشرته مستحبـــــه
اعتقدتركه وجوب اصبح عليه
ماموجود اسمعك ترس اذاني تصيح
اصدكك بس اليه اعليك كلهه شهـــــــــــــود
بابك والسمع والشاف والماشاف
والحسره البكلبي الماتلمهه حـــــــــــــــدود
ياحلم اليتيم الرافكه من صباه
وهم يضحك يتيم بجف حزن مولــــــــــــــــود
ياحزني السكن وياك صوره وصوت
مثل حزن المغني اليون عالعـــــــــــــــــــــ ود
ياطيف شحلاتك من جنت وياي
وبعيني من اشوفك جنت تزهـــــــــــي اورود
اشيلك من خيال عيوني حته انساك
احسك بالنفس تصعد وياي صعـــــــــــــــــود
يااخـــــــــر تعال حجايه اخذهه وروح
دمعه بعيني ظلت رايدلهه خــــــــــــــــــــدود
ولك بالنص جسمت اسنين عمري اوياك
وشتظن اليروح من السنين يعـــــــــــــــــــود
ليش اعلــــــــــــــــه اليحبك ماتدير البال
وبكل الحنين اعله اليضدني اتجـــــــــــــــــود
العشك اخذ وعطا مابين المحبين
وانت اتفرهد بعمر اليحب فرهــــــــــــــــــــود
يخايب ليش عمري فرهديتـــــه
وشبه طير اعلـــه بابك فرهديته
الوكت تدري بغيابك فرهديتــــه
على راسي وشبع صكعات بيه
لهنا وانتهت صدك بعـــــد مادام
مات المستحه وماظل بعـــــــد منكــــــــود
صح انه جنت وياك روح بـــروح
غيمه وانت وشله ولومطــــــــــــــرت تزود
بس انت البديت وقصريت اوياي
ودكاتك تراهــــــــــــــــي وياي كلش سود
امس وياك دك الثكل دكيـــــــــت
وابدموخوش دكه وياي دكيــــــت
بيدك يانذل عالجســـــــــر دكيت
قطعتي وجاي هسه اتدك عليه
.................

[بهلول الرشيد]

اخيرا فكرت؟ هذا انا فلتسمعو اهاتي

رايح ماتجي معقوله يهـــــــــواي
وانه العطش كلـــــــــــــــه وشوفتك ماي
الله وياك اكلك رايـــد تــــــــروح
واذا وياك اللـــــــــــه ياهــــــــــوالاوياي
رايح جاشكلك لمـــــــــــن اتروح
غير تروح وتردلــــــــــي بسلامـــــــــــه
حمامه الليله روحي اكبالك تنوح
باجر لايجي اتموت الحمـــــــــــامــــــــ ه
وابدي منين اسولف حاير اوياك
اكرهك ردت اكرهك طلعت اهــــــــــواك
ردت جلمه بكبر مابيه الك شوك
ولان ماحصلت هالكتلك انســـــــــــــــاك
واشد بجرح حبك واشتهي انساك
واكــــــــول ارتاح لومـــــــــــــره نسيتك
نسيتك عــــــود لحظه وكيفت بيك
واكف بالدمـــــــــع عالخـــــــــــــد لكيتك
وكلت ماحب بعد بس تالي حبيت
ومثـــــــــــــل العبـــــــــــرت وياك ظليت
اجيك بشوك عني اتخلي وتروح
اكللك تعــــــــــــــال اتضيــــــــــــع البيت
واخيرا فكرت بيــــــــــــه وتعنيت
عكب ماغارن عيونــــــــــــي من الغياب
اعــــــــــــذرك؟ تيهت مادلتك ناس
علي جامــــــــــــــاشفت عالحايط غراب
ذاك الباب بابي وذيــــــــج العيون
من خلص دمعهــــن صبــــــــــــن اتراب
وحسبالك صبغت الباب من جيت
فرح ولخاطرك عـــــــــــود انسه العتاب
اسود جان بابي بلـــــون العيون
ومن كدمابجه صــــــــــــار ابيض الباب
وكلتلك من تجي مومن وره الباب
وشكلك هم اجه وتحسبهــــــــــــــه جيـه
اريدك من تجي تلزك على الباب
والاثوب لوتجي وتلزك عليـــــــــــــــــــه
العنك سولفو ماسولفو زيـــــــــن
واوصافك غلط جابــــوهــــــــــــــــ ه اليه
ماشفتك كبل بس صافــــــن اعليك
شفتك صفنت بجفــــــــــــــــــــــ ـوف اديه
واحبك من صدك مالازم شهـــــــود
القضيه من تجي اتعــــــرف القضيـــــــــه
الناس بلايه شوف تسودنت بيـــــك
انــــــــــــه اتسودنت؟ ظلت عليـــــــــــــــه
.......................


ماكــــــــولن كمر
كون ومن كثر ماجنت اكولــــــن كون
ضيعت العمر وانـــــــــــــه بطــرك كوني
ربعي توفقو وانـــــه اعله حجي العام
ارسم من خيال قصــــــــــــــور بضنــوني
يالماخـــــــــــذ عكل مجنون شلك بيه
ماكلت اشيظل براس مجنـــــــــــــــــونـي
تمشي وكل وكت تمشي بخلك مرتاح
وعلــــــــــــى دم الاصابع عاشت سنوني
ماشوفك واحس من امشي دايخ بيك
لو اشوفك اكيــــــــــــــــد يطيحن عيوني
..........
ماكولن كمر صارت قديمـــــــــه هواي
يوسف اعتقـــــــــــــــــــــ ـــد بس انت ذريته
يااول احب واخر احب بالكــــــــــــون
دك بابــــــــــــــــــــــ ــي وكمت للباب حنيته
انه اعرف احب موتونـــي حته تكول
مايعرف يحب وبكيفــــــــــــــــــــ ــــه خليته
فنان من احب وبكيفي احـــــط الوان
ولونك من ضوه بكل لوحــــــــــــــه خطيته
مااحلم كبل ماريـــــــــــد اتعب العين
بس طيفك اجــــــــــــــــــــه وعالعين دليته
شفت البلحلم جنه انت صحـــت الله
كظيت الحلم ولصــــــــــــــــــــدر ي ضميته
موانته وكلت لاوالله انت يجــــــــوز
جنه انته وخدعنـــــي مــــــــن انهجم بيته
طـولك واهسك والعين نفس العيــن
شك عيني وعـــــــــــبر بس حرشه كظيته
جكليته وعلي وبس عود هم جكليت
يمكن من عسل مصنــــــــــــــــوع جكليته
من كدمايشبهك انــــه مدري شلون
صرت كلـــــــــــــــــي حلك وبحلكه حبيته
..................
شفتني شلون من اشتاك

تمنيتك الي وبس انــــــــه ويــــاك
واعلمنك علي مـــــــــــــــن اعشك شلون
الكون شكبره صدله بعينك وشوف
من احضننك بدي غير اكـلب الكــــــــــون
وردت واحد يشبهك وامشي ويــاه
واسكت الجانو بصــــــــــــــــــدك يكيفون
لكيته ومن لكوه يتمشه ويــــــــاي
كالو هوه بس؟مــــــــــــــــونـفس العيون
اروحـــــــن بيك دايخ و نفردبيك
اهــــــم والبيك ماكو و نفردبيك
كلت لازم تجينــــــي ونفرد بيك
انفرد من جيت ملج الموت بيه
شفتني شلون مــــن اشتاك واشتاك
الفرح عالجاي والــــــــــــــــرايح اوزعه
واطش سنين عمري اعله المسافات
وامــــــــــــل بعيون عاشكتك ازرعــــــــه
اسدعيني اعلــــه طيفك واقفل الباب
فص العين مــــــــــــن تطلـــــــــع تشلعه
قفل جان اعله سر حبنه لشفتاك
قفلنــــه ولادنت شفتي لشفتاك
تمر ؟وبطيــف شحجيلك لشفتاك
اعله خـــــد الطيف تلكه اثار اديه
يالطيوفك اخوتي وكلهم اعــــــــزاز
اليموت بياكلب لــــــــــــــــــومات اشيعه
الك بيه حنين يرجـــــــــــــــع المات
عــــــــــــــــــــدل جاليش طيفك مايرجعه
اجامل طيف غيـــــرك من يمر يوم
واسولف عالجفــــــــــــــــــن خاطر اقنعه
يسد بابه الجفن ومبينه زعــــــلان
بوجه كـــــــــــــــــــل طيف مايقبل ارفعه
ابجي بلادمع من يوم الفـــــــــــــراك
خايف مــــــــــــــــــــــن ترد ماالكه دمعه
...............

[بهلول الرشيد]

تبجي شلون ؟ يمنه بذني العيون

سلام مـن الكلب بس ليك اوديه
وعتب مجــــــــــــروح شايلك سلامي
اشوفك من تجي وبعيوني اخليك
واذا ماجيت الكــــــــــــــــــاك بمنامي
حبيبي انت وعليك تفرفح الروح
ولك مايوم قليت احتـــــــــــــــــــرام ي
كرم ملكاك صاير لليمـــــــــــرون
واذا مريت صحتلهـــــــــــــم حــرامي
نحيت اوياك بالحب منحـرامي
وشفت حكي واخذته منحرامي
تعلمني حلالــــــــــي منحرامي
وحلالي البيك حرمتــــــه عليه
وتبجي شلون يمنه بذني العيون
وشتظن الدمـــــــــــــــع بعيونك يلوك
الفرح انت الفرح واحنه انتمناك
واذا مريت كلنه انضيــــــــــع الحلوك
السوك الماتطبه ايصبح اشبـاح
واذا طبيت هم ايعـــــــــــــــزل السوك
اطش بعيوني واتنطر علشفـاك
واذوبن من تمر واسكرعلشفاك
تكظني الوادم وتنشد علشفاك
حلكك مادرو مريت بيـــــــــــــه
وكالـــو عوفه باجر ماكلت ليش
المهم يردون من باجـــــــــــــــر اعوفك
شلت عيني اعله مودانوب ماشوف
كمت ماشـــــــوف غــيرك بس اشــوفك
وشيجيبك يباجــــــــر والتقي اوياك
واشيلنك كلب مابيــــــــــــــن الضــلوع
واذاباجر اجـــــــــه وماجابك اوياه
اكض باجــــــــر وشيلنه مــن الاسبوع
اهد بسوح المواصل فهـــــدلاي
نجر وبساعة الملكه فهـــــدلاي
يبير شلون وبنصك فهــــــدلاي
انكطع والماي ظل صافن عليه
...................

ثـــــــورة العصــيان
من اخـــــر حلــــم وعيونه كلهه اسرار
من شطرة همــــــــــــومي العله همومي اتغار
من شفــــة جرح نـام بلهاتـــــه السيف
بسيفك لاتأمــــــــــــــــــــ ـــــن جرح يطلب ثار
رساله لكل دعاة العشك ..لايطغــــــون
ريشه اكبالي احطهم وانــــــــــــه حيل اعصـار
وانت؟؟العله جروحي اسنين اورج بيك
بعينك شوف اكــــــــــــــــــلك ..كتلي بس اثار
اينزفن لسه كتلك كتلي مامســـــــــؤول
وجهك من نخيتك ليش عنــــــــــــــــــــي اندار
مامندوم اكلك؟ هذا حـــــــــــــــدي اوياك
وبكيفك بعـــــــد ظل انت من تختــــــــــــــــــار
ياصاحب تــــــــــــــوده وبيه تلكه البيك
ايدك بيده خلهه ولاتظــــــــــــــــــــ ــــــل محتار
على اشكالها؟ ادري الطيور تطيــــــــح
طيـــــــــــــــــح براحتك ..جنحينك ادري اكصار
رايـــــــح وارد اشيل اصورك من العين
واسمــــــي يظـــــــــل علامــــــــــه وللمتيه دار
اطلب وارد اثور اواعلـــن العصيــــــــان
واكسر كـــــــــــــــــــــــل سجن مسدود عالثوار
واكتب جلمـــــــــــة التنكال عالحيطان
(يسقط...يسقط...يسقط)
يسقط كــــــــــــــــل مرائــــي وخاين وغــــــدار
ايـــــــد الكاع بيها وايــــد بيها الغيم
وطيرك هم يحــــــــــط شماتعــلـــــه وطــــــــار
وتدريني؟صكر وشماخذتني الريــــــح
لابـــــــــــــــــــد مااكــــــــــــــظك ياصكير الفار
دنياتك كصيره وخلكي كلش ضـــــاك
كتـــلك لاتجينـــــــــــي بعـــــــــذر(جنــه ازغار)
مشهد من حياتي اوياك يمشي اوياي
معروض اعله طولي اشلـــــــــون اجذب الصــار
تسجد من اشوفك كلبي يكفــــــر بيك
ياسر كــــــــــل هوانــــــه وانــــــــــه الك عمار
بطل من صلاتك كـــــــــل صلاتك زور
انت ابليس اعرفـــــــــــــك ؟وانت عـــــــبد النار
....................

المن جاي ....يمي وانه الك ....
--------------------------------------------------------------------------------

يالشايل حسن واكبالي كمت تبيع
عزل مــــــــــــــــــــن وكت واتلطف بحالي
عالسني الفكر ومبصـــــط بنبكات
ياهو اليشتري من تبصـــــــــــــــط اكبالي
..............
سبحانه الجليل شلون من ســــــــواك
واطاك الحسن واللولـــــــــــــــــــ ـه ماهيـــه
جابك يمنه يسره وبيك ماظل عـــــــوز
وفضالك خلك مــــــــــــــــــــــن غيـــر منيه
اتمنه بحلم نتشابه انــــــــه اويــــــاك
واحلام اليتامه تمـــــــــــــــــــــــ وت ليليـــه
ردت شويه منك بيــــــــه صار سنين
طـــــــــــــابك عالســــره وماتلتفت ليـــــــه
كيمر جنها شفتك والحلك ماعـــــون
والخـــــد العليك تكـــــــــــــــــــــول كاهيــــه
المن جاي يمي وانه الك جــــــوعان
جيتك هاي حرشه لــــــــــــــو حسن نيــــه
شايف من اكظك الا اكفـــــــــــــر بيك
وماخلي اعلـــــــــــــــه حالك منك شويــــه
مسودن والعكل ظل منه بس هالخيط
ياهـــــــــــــــــو الوهدنك وشجابك اعليــــه
انه اوياك حيــــــــره وانت بيه اتحير
والحيره اعلـــــــــــــه وجهك تنرسم ميـــه
وانه اخر سنه ولو تقــــره بيه اسنين
ماتاخــــــــذ صفر مــــــــــــن تمتحن بيـــه
بالك موش يمي وحسره اظل اعليك
وعينك لاتنـــــــــــام وتحلــــــــــــم بجيـــه
بلبل وانه الك حيــــه وصفنت بليل
واحذر لاتامن صفنــــــــــــــــــــــ ـــة الحيه
.........................

[بهلول الرشيد]

كلش موطبيعي

يالخلكك قصيده ولو مشيت الكاع
توكف والقوافـــــــــــــــــي لطولك يركعن
شفاف ورقيق واترف من الماي
ومن تحجــــــــــي الدررمـن حلكك يطلعن
كلش موطبيعي وكلشي بيك اعجاز
حته حروف جـــــــــــــــــرك عندك يرفعن
عندك كلشي عندك عندي ماموجود
ومنك ماكو منك لــــــــــــــــــوردت طبعن
مثلك ماكومثلك والاوصاف البيك
من دون الخلك بس عندك انجمــــــــــــعن
بس عندك اذان مسددات بطين
مـــــــــــــــن كتلك احب ماجنهــن يسمعن
...........
يمك وانـــــــــه يمك وانه شعلة نار
ذب روحك عليــــــــــــــــــه وطفي نيراني
بيتي انه احترك مومشكـــــله وخليه
بس خايب خطيــــــــــــــــه بيوت جيراني
انت بكل كتر مني اويه روحي تعيش
شوكــــــــــــــــــــــ ـي بياكتـر وياك خلاني
يم كلبك وراك اويـــــــاك عايش بيك
اسالمن علـيه او الكـــــــــــــــــــه انساني
دورني اعله كيفك واكتب اعله الماي
اسمي ولــولكيتــــــــــــــــ ـه اهناك تلكاني
وتلكاني؟جذب لودورتني اسنين
سر اعظم عليك يصيـــــــــــــــــر عنواني
ضايع ومن اضيع تضيع انت اوياي
واذا مــره نسيتك يمـــــــــــــــــك انساني
ويمك مدري ليش الساني خيط يصير
ومــن جلمة احبك يخجــــــــــــــل الساني
واحد من تجيني وبيك اشوف اثنين
خايف بس ابوسك يزعـــــــــــــــل الثاني
..............................
دلال الطفل .....رساله الى حب مازلت اعيشه


دلتك دلال الطفل يحلــــــــــم بيه
وانه مـــــــــــن العذاب اشكال شفت اويــــاك
مره تكلي احبك وانتعش وارتاح
ومره تكطــــــــــــــــــع بسباح كلبي الكــــاك
واحلف مااجيك ولااسولــف بيك
واشتاكـــــــــــــــــــ ـك واحنـن ليك واتعنـــاك
ويكظني الفشل واوكف اكبال الباب
تايه واستحـــي مــــــــــــــن الباب واتمنــاك
واتامل تجيني وماحسبت احساب
زايح مستحـــاتك والوكت خــــــــــــــــــــلاك
تمشي بلاوعي وياهو اليكظك صار
اخوك وماكـــومنه وعــــن طمــــــــــع خاواك
ياكل الضحكلك صار اعـــــز الناس
عندك واليودك صار ألـــد اعـــــــــــــــــــداك
ياحنظل صرت وشمصعبك بالريج
وازهك لوحجولي وسولفـــــــــــــو طـــرواك
فرق مابينك وبيني بكثــــر مابين
عينك والنجوم الساهــــــــــــــــرن بسماك
تحتاج وتجيني ومااكــــــلك جيب
طبعي ولااساوم مــــــــــــــــــن اكلك هاك
ترخص من يجيبك عوز وتطخ راس
وعلي تصعب واكلك جيت عــــــــد عينـــاك
وجنت اكدر اذلك واخــــــــذ شماريد
ومن نظـــــــــــــــرة عيونــك افتهـم واقراك
يارمضان وتطش عالخلك خيــــرات
بس انه من اجيك تصيــــــــــح بيــه امساك
وي..غم الوكت ذاك العرفتك بيــــه
وغم هـــــــــــــذا الكلب دولبني مـن حباك
روح ولاترد ...ودموعي هاي اعليك
شاهــــــــد مانسيتك بس اريــــــــد انساك
........................
المرايه؟؟ من الشطره

البارحه بوجه المرايه بجيت
وشفت واحد يشبه انه؟ شايفه
اي هذا ياهو ها؟ هذا انه
شجابه يمي اشحطه بعيون المرايه
شماله مايندل مجانه
نسخه مني بكل صفاته طوله وعيونه وكيانه
شلت اديه شال اديه درت وجهي دار وجهه
وخله المرايه ورانه
وهم دمع شايل ورانه
للمرايه اطيت وجهي هم لكيته اكبالي يبجي
حركه يبجي بغير اوانه
شايل الدنيه اعله راسه
والحزن واصل لذانه
كتله كوم العيد اجانه دور بكل صفحه عنه ومالكانه
كال اذن يمكن نسانه
وين ماروحن اشوفه اكبالي يبجي
وانه ابجي وهو يبجي وبالحزن واحد زمانه
واه لويحجي الصدك ويكلي وين بياكتر فارس احزانه
كتله احبك كال احبك كتله اكرهك كال اكرهك
ببغاء اكبال انه
حته من كتله امداك هو هم كال امداك
يعني احنه اثنينه انكلي امدانه
حلف ماخون حبك وامداني
وسدحني بنار هجره وامداني
الحمدلله اعله ظيمي وامداني
اعله حظي العثر من وداه اليه