هنا

[مالك كرامتي]

اعد انجوم طول اليل محتار
وافكر يمته اصحه من هالوهام
اكول اليوم اصحه . يعدي هاليوم
واكولن باجر وهم نفس الاصخام
اجر اليل بيدي وحيل اعتن بي
وما شوف النهايه وباقي كدام
انه احسب نجوم واحسب جروح
انه بكد النجوم مترس اسهام
انه عاشور احس اليل وياي
ورادود الكلب بس عوزه لطام
ليلي وما يصح الهاذا والذاك
كادر بس عليه ولابس الثام
انه افزع بروحي من يجي اليل
ووكفله عله طولي من الجدم للهام
كتب تقرير ليلي اوقعت بي
وتحول قضيه وصدرو احكام
وخليته محامي الكمر وياي
ردت تاجيل بس تاريخ الاعدام
جبت اقلام بيدي تشهد وياي
صارت كلها ضدي حته لقلام
تانيت الفجر بلكت اكو فراج
عندي اسرار كومه ويه الفجر ضام
بده يصير الفجر ويضيع اليل
ومسح دمعتي وعضيت البهام
وبدت تطلع شمس اوخلص اليل
وفزيت وتبين جانت اوهام
وفزيت وتبين جانت اوهام
✏✏✏✏✏✏
الشاعر ماجد الهاشمي

[وائل الواسطي]

جميل جدا

[علي الشمري]

مشاركه جميله
شكرا ياصديقي