انطوها فصليه!!الشاعر حسين الساعدي
الفصليه!!
حسين الساعدي
،،،،،
ياشيخ العشيره راجع القران!
وبهاي القضيه الدله مَجفيه!
ما تنوزر حره ابوزرة الغلطان!
وانته ابيا بخت تنطيها فصليه؟
عساكم ما صفيتوا ابلمة الديوان
وهالمسكينه هاي اتكول شعليه؟
شعليها بالفتنه وعركت العدوان
وليش اتوزروها ابوزره حربيه!
يرضاها الفريضه وشيبة الوجدان!
والتفصل بريئه وتدفع الديه؟
ما كتلت بشر ما وزت الشيطان
وما كالتلك اكتل والفصل!بيه
تنطيها الصكيطه امتيه العنوان
وبراس الضحيه الذله يوميه!
ما الها احترام وتخدم الرضعان!
وخركتها العليها اتكول كونيه!
يا أهل البخت والرايه والايمان
جا وين العداله الدنيه مكضيه!
وانته يا ابوها امرافك الخرسان؟
دَحجيلك احجايه اتحرك اشويه!
فرحانه وتريد ابزفة النسوان
لكن بالفصل؟قصتها مسبيه!
واحنه بيا عصر ياعابد الأوثان
وتراضي العشيره ابظلم البنيه!
وتفزز حلمها وتطرد الخلان!
وتسوك الذبيحه ابغير حنيه!
وما جنك ابو وما بيك حنيه
حسين االساعدي
رد مع اقتباس
المشاركة الأصلية كتبت بواسطة نبع الحياه
