المن استعجلتي ماتانيتي ليش
كتلج انتضريني صرتي مأسفه
جنه ما نهتم ابد من ننجرج
جنتي بلسم للجرح بيج الشفه
جنتي تردين العمر وياج اعيش
هسه ما ترديني تردين الجفه
كتلج انتضريني كم يوم واجيج
كتلج اتندمين كلتيلي عفه
اني ادري بنيه تردين الزواج
وهمج البدله وعليها ملهفه
وانه ابد ما حارمج من هذا لا
شكد شعلت شموع لاكنه طفه
الخذاج شراد منيمج خذاج
هوه مو حاكم ولا انتي الحاكمه
انه رتج زوجتي وام الجهال
الخذاج الامه رادج خادمه
وانه رتج شمعه تضولي الطريق
وهوه رادج عود من يبرد دفه
ها شنو الي صار وتغير شجاج
ها ما تحملتي التعب والخدمه
خلصت السبعه وخلص شهر العسل
وراحت ويه الريح ذيج البسمه
شذكرج بالحب بعد هاي السنين
راح حبنه حترك ورماده صفه
هسه ترديني اردلج مستحيل
ومشي لا تحجيلي كلشي اعله الوفه
رد مع اقتباس
