هنا

[أنثى حائرة]

السلام عليكم
انا بنت عمري 16 سنة ابوية متوفي و احنة 6 بنات ما عدنة ولد
اني احب دراستي و مجتهدة فيها كان حلمي منذ الصغر اني ادخل احسن جامعة و اكمل دراستي
لكن الظاهر هالشي ما لح يصير لأن امي تريد تزوجني لإبن خالي و امي مصرة على هذا الشيء
لأن ابن خالي الثاني متزوج اختي الكبيرة (بعد ما تخرجت من الجامعة طبعا) تكولي ترتاحين يم اختج و ما اريد اتعبج بالدراسة
اخواتي الكبار مكملين جامعة يلة متزوجين بس اني تريد تزوجني تكولي علمود راحتج
طبعا اني ما قبل الاخير يعني امي دتعبر اخواتي الكبار اثنين بحجة همة ديكملون دراستهم
و جتي عليه و من ارفض هذا الشيء ما تسمعلي ابد تكولي لا تفشليني كدام العالم و اني اعرف مصلحتج
________
هو ابن خالي ميعيبه شي .. حلو و اخلاقه حلوة و ما بيه نقص بس اني اشوفهة صعبة
اني اتزوج من صغيرة استحي من صديقاتي و من اقربائنة و من المجتمع كله
احس نفسي انسانة فاشلة اذا لح اتزوج بهيج عمر و اعوف دراستي
اني اذا اقبل بهذا الشيء لح اقبل علمود امي و علمود راحتهة و بس
ما اعرف شسوي ؟ و شختار
حايرة والله بين امي و بين دراستي جربت ارفض بس امي ما تسمعلي
ساعدوني

[حسن الماسي]

ازوجي وكملي دراستج""الدراسة اجمل مافي العالم والجامعة اجمل بكثير راح تشوفين ثقافات وشيء جديد لكن اذا امك تريد زوجد عادي زوجي بشرط اكمال الدراسه

[إبتسـامة فـــآترة]

وعليكم السلام ..
حبي لاتتزوجين بعدج صغيرة متكوليلي اششفتي من عمرج حتة تريد تزوجج؟؟
لحي ع امج انو تكملين الدراسة واذا ماوافقت اطلبي من خالج او عمج اواي احد قريب الج وامج "كون تحترمة كلش" يكلمهة بهالموضوع حتة تنحرج منه وتوافق ع انج تكملين دراستج ومستقبلج او اذا مافاد سوي اضراب عن الطعام والنوم اتحملي شكم يوم بلكي يفيد هذا الحل الوحيد وياها
دعواتي الج من كل كَلبي الله يهدي امج عليج ..

[محمد الساري]

اخذي نصيحت عمك ابو كرار
ازوجي وتوكلي على الله هو الكمل دراسة شستفاد اشو مكابلها وكاعد وفلس من الاثنين لا يفوتك القطار احلى شي بالبنية ان تزوج وهي زغيرة واذا وافق ان تكملين دراسة وانت مزوجة بعد ايكون افضل

[إبتسـامة فـــآترة]

اخذي نصيحت عمك ابو كرار
ازوجي وتوكلي على الله هو الكمل دراسة شستفاد اشو مكابلها وكاعد وفلس من الاثنين لا يفوتك القطار احلى شي بالبنية ان تزوج وهي زغيرة واذا وافق ان تكملين دراسة وانت مزوجة بعد ايكون افضل

لييييييش عمو

[حـــلاة الـــروح]

عزيزتي نصيحتي اتزوجي صح الشهادة سلاح البنية بس بهالوقت ماكو شي مضمون
اتوكلي على الله وسمعي كلام امج وبلكت ربج ايخليج اتكملين دراسة بعد الزواج

[محمد الساري]

لييييييش عمو

ها عمو ليش شلعتي شعرج لا صيرين كرعة
والله خل تزوج احسن اذا عدها 6 اخوات حق الوالدة تزوجهن حتى تطمأن عليهن يمعودة نصحي كل البنات التجي قسمة زينة خل تزوج

[أشجان الروح]

مرحبا عزيزتي
اذا شاب زين وراح تكوني يم اختك شيء حلو
بقت بس الدراسة وهذا حقج فخليه طلب اذا يوفقون عليه قبلي واذا لا رفضي عادي اكو هواي بنات مزوجات ويدرسون
عندي صديقاتي وبنات عمي نفس الشيء حتى كلية كملو
وانت خبري امج بهذا الشرط مادام هي مصره
وان شالله خير وربي يوفقج لما هو صالح الج
تحياتي

[إبتسـامة فـــآترة]

ها عمو ليش شلعتي شعرج لا صيرين كرعة
والله خل تزوج احسن اذا عدها 6 اخوات حق الوالدة تزوجهن حتى تطمأن عليهن يمعودة نصحي كل البنات التجي قسمة زينة خل تزوج

خليني اصير كرعة مو مشكلة
يعني عمو واذا 6 خوات!! هية مو امهة؟؟ مو مسؤؤلة عليهة والبنت مثل ماكالت "اني احب دراستي و مجتهدة فيها كان حلمي منذ الصغر اني ادخل احسن جامعة و اكمل دراستي"
يعني بهيج حالة امهة حتحطم حلمهة ..مع العلم كالت خواتي كولهم كملوا جامعات يلا اتزوجوا ..يعني هية الصغيرة لازم المدللة ليش بالذات هاي المسكينة تزوجهة
بعدين عمو ولو انتة اعرف مني بس من خلال الدااشوفة هواي بنات ويانة بعمر الـ15 او اكثر يتزوجون وورة فترة تفشل علاقتهم ويطلكون لان خطأ البنت تتزوج بهيج عمر حتة بعدهة ممتجاوزة فترة المراهقة وعقلهة مو ناضج كليا ..

[محمد الساري]

خليني اصير كرعة مو مشكلة
يعني عمو واذا 6 خوات!! هية مو امهة؟؟ مو مسؤؤلة عليهة والبنت مثل ماكالت "اني احب دراستي و مجتهدة فيها كان حلمي منذ الصغر اني ادخل احسن جامعة و اكمل دراستي"
يعني بهيج حالة امهة حتحطم حلمهة ..مع العلم كالت خواتي كولهم كملوا جامعات يلا اتزوجوا ..يعني هية الصغيرة لازم المدللة ليش بالذات هاي المسكينة تزوجهة
بعدين عمو ولو انتة اعرف مني بس من خلال الدااشوفة هواي بنات ويانة بعمر الـ15 او اكثر يتزوجون وورة فترة تفشل علاقتهم ويطلكون لان خطأ البنت تتزوج بهيج عمر حتة بعدهة ممتجاوزة فترة المراهقة وعقلهة مو ناضج كليا ..

رغبت الشباب بالزواج من اعمار الصغار 15-16- حتى وان كان عمرة الرجل اكثر 35 سنة يعني الزواج مرتبط بالاعمار هي حرة تختار الزواج ام الدراسة بس من وجهت نظري اكيد البنت استر لها الزواج حسب ظرف البنت او العائلة المذكور خصوصا الاب متوفي والمعيل الوحيد هي الام ؟ يعني ليست منظور عام زين لو نفترض اكملت الدراسة وهي متزوجة ما المانع