يا اول شرارة اشتعلت من الماي
ويا صوت الآذان الفجر الجمعه
ويا صحوة ضماير لوما صوتك جان
لبست خوفها و ماكَدرت اتنزعه
يل شلت التقيه وي الجفن تابوت
ولا كَدرت تقيه الصوتك اتمنعه
من مثلك تحزم بالمنيه حزام
ومن مثلك جفن يا سيدي درعه
ومن مثلك الهدم قلعة الطاغوت
كشف غش الاساس وطاحت القلعه
ياصدر الكرامة اشكد قسوا وياك
ورادوا صوت عدلك محد ايسمعه
,,,,,,,,,,,,,,,,,,,,,,,,,,,,,,,,,,
ياصدر هزت العالم ثورتك
واصبحت رمز وشعار لئمتك
بكل مكان اليوم رفعو صورتك
عايش بفكري وسط وجداني
************************
بمنهج المختار ياسيد سرت
ابمنطلق ثور حسين اتفجرت
وبوجة هل طاغي واعوانة ثرت
حية بدمك كل ضمير انساني
************************
ياصدر لو لاك جا عشنة بضلام
بيك ميزنة الحلال من الحرام
ساد عدل الله بزمانك والنظام
ارتعب من نهضتة الشيطاني
************************
منقول
رد مع اقتباس
