جنسيتي محبتك تدري كلش زين
شنو قيمة اليضيع بيوم جنسيته
حبك غيرني وصرت كلي عليك
زرعت كلبك بنص كلبي وسكيته
والدم اليسري بجسمي ما احس
ب دمك يسري بالشريان حسيته
انت العلمتني العشك والاحساس
فضلك على الكلب من يدك خليته
علمتني البراءه وطفل صار وياك
يمشي وما يريد يرجع البيته
يااحلى محب دزه رب الكون
يااطيب كلب بالصدفه لاكيته
يااوفى البشر ياحلمي يادنياي
يااول شخص من كلبي حبيته
يااسمي الثلاثي يابلسم جروح
رسمك بالكلب وبدمي خطيته
صدكني احبك حد كطع الانفاس
لانك انت حلمي اللي تمنيته
تمنيتك كبل لااشوفك من سنين
حبك بالكلب من صغري ربيته
ما اضيعك من ايدي وما اعوفك يوم
اله بحاله كلبي يعوف جنسيته
واذا اجاني بليلة ملك الموت
اعذر كلبي تره وصلت منيته
رد مع اقتباس
