هنا

[نسمة الدرر]

شلونكم دررنا الغالين. مشتاقتلكم حيييل
طبعا هاي أول مشاركة الي بعد انقطاع طويل عن الدرر
أتمنى تنال استحسانكم
وأول مشاركة من حواءات الدرر لحد الان
بلكي اسويلهم حماس للمشاركة
وماشاءالله أوادم الدرر منورين بأقلامهم ومشاركاتهم الرائعة
أتمنى الموفقية للجميع


نسمة
آنه أصل الوفه وللطيب نسمة
اليجرحنه بكرامتنه نِسِمّه
تسميته الغدر حاقد نِسَمّه
ومايربح أبد غدّار بيه



نصهم
نص عمري كَضيته جراح نص هم
عليه ذياب تلتم وانه نِصهم
حجيهم عسل بس البغض نَصهم
ربي اكفيني شرهم والأذية



سمانه
عراق اسمك يظل عزنه وسِمانه
بحرنه انت وأرضنه وي سَمانه
مهما الغدر سل سيفه وسمّانه
مانخضع أبد للطائفية



أبوذية من نوع مشطّر
جاريت
بغيابك هموم ونوح جاريت
عفتني بحيرة والدمعات جاريت
هجرك فاض
قلبي اجهاض
عطش بجفاك
روحي وياك
ورد ذابل
انا بلياك
تعال بساع
روي الكَاع
مشتاكَة لحنانك يرد چا..ريت
ترجعلي وتحط ايدك بديه



بلاهم
دررنه الدنيا ماتسوى بلاهم
ربي يزيل عنهم كل بلاهم
بغيرة تنكّعوا والذوق بلّاهم
وأخ سامر جمعنه بطيب نية



نسمة الدرر

[الملاذ الاخير]

كلمات جميلة كتبت بماء الذهب
تتلالى في السماء كتلالى النجوم

عاش قلمكِ اختي
بالتوفيق

[النقيب]

كلمات رائعه واختيار موفق
تسلم ايدك اختي
تقييمي

[ضياء الصافي]

كلمات رائعة
شكراً لهذا القلم الرائع

[المحامي احمد التميمي]

روعة شعر حضرتك - الموفقية نتمنى لكم

[ملگهہ لآيهہتزلهآعرش❀]

جميل جدا

[نسمة الدرر]

كلمات جميلة كتبت بماء الذهب
تتلالى في السماء كتلالى النجوم

عاش قلمكِ اختي
بالتوفيق

شكرا جزيلا لاطلالتك الرائعة بحروفها الماسية
أنرت كلماتي أخي أحمد شكرا لكرم تقييمك

كلمات رائعه واختيار موفق
تسلم ايدك اختي
تقييمي

كلماتي ازدادت روعة بمرورك المتألق
شكرا لكرم تقييمك اخي النقيب

كلمات رائعة
شكراً لهذا القلم الرائع

قلمي يزدان بمصافحة حضروك
شكرا جزيلا للمرور والتقييم

[نسمة الدرر]

روعة شعر حضرتك - الموفقية نتمنى لكم

الاروع شذى مرورك أخي المحامي أحمد
ممتنة لمرورك
وشكرا جزيلا للتقييم مرتين

جميل جدا

الجمال يكمن بعطر ملكك الفواح
شكري لكِ ملكتنا

[جنـات]

االله الله مبدعه
كلام جميل وربي
دمتي بهاذا الابداع
ونورتي الدرر من جديد
تحياتي وتقيمي لحضرتج يانسمة الدرر

[خواطر~]

سمانه
عراق اسمك يظل عزنه وسِمانه
بحرنه انت وأرضنه وي سَمانه
مهما الغدر سل سيفه وسمّانه
مانخضع أبد للطائفية

لك ياعراق الروح
من سماء الوجد كل النسمات المعطّرة
ومن نزف البوح نُبارك لك سلامتك من كل إنتكاسة
.................................................. ......
أيتها النسمة
أستنشقتُ عطركِ هنا وأتيتُ مسرعة
فأهلاً بكِ وبـ حرفكِ من جديد