شعر شعبي اذا اتحبه صدك اتقدملها للشباب
أذا تحبها صدك أتقدملها
مثل أختك عرفها واحد من الناس
ترضاها عليها من يستغلها
تعيشها بحلم بيه عائلة وأطفال
خاف الله ولك شتسولفلهه
وحدة أثنين عندك هيه ياترتيب
وعلى شكم وحدة ضاحك هم مثلها!!
وفندق لو كلب هذا العايش بيه
ولا غرفة صدك من تدخللها
كافي ماتحس يمكن ضميرك مات
وين الفاتحة حتى اوصللها؟؟
أبوها شكد تعب رباها بلدمعات
وأمها حدبت بس تـــكبرلهه
وعلى الحاضر تجي ياحضرة الاستاذ
ماتوصل شبر والله الكحلهه
شمعة بيت هي وأنت نزوه لليل
لو كالوا شمس ما تسوى ظلها
أحسبها عدل باجر وراك عتاب
شتكللهه أعتذر ما تصرفلها
وفكر تستقر لاتبقى ريشة بريح
شباقي من العمر روحك تذلها
وما أكولك نبي وما أصيرن أفلاطون
بس المشكلة تكدر تحلها
هم مثلك جنت وألعب على الحبلين!!
وما تسوة شفت ما أصفنلهه
تصح وحدة نعم مو زينة بس مرات
أصابيعك لأن مو عدله كلهه
وتصح وحدة تعجبك لكن بلحظات
وباجر من تجي يمكن تملها
وتصح وحدة اصيلة من الالف للياء
وبس خيالها من يكدرلها
وتصح وحدة بعد ماتسمع الهة بصوت
بس مدوخ العالم خجلها
وأخلاق وقيم تتوارث الاجيال
موغاية و طمع مستقبل الهة
مثل ورقة الشرف لو تحترك بلنار
لو تكتب القصيدة بس تجلهه
ونصيحة من تحب تختار عدهه أحساس
مو حلا و شكثر عدهه
رد مع اقتباس
