درر العراق

تّـفـاَصيلـٓ · 12/August/2015

بچيت إعله التظاهر والوطن مبيوگ
ياهو الچان ييجي وينهش بلحمه..
خلصت هالوعود والقال والقيل
وسنين إنگظت محنه التجر محنه..
خربوها الحضارة وغيروا التاريخ
تجار الحروب وكل مستعار إسمه..
أتحدى البرلماني اليسكن الخضراء
يرسمها الخارطة ومايغلط برسمه..
بعتوها الضماير والشعب جوعان
وخيرات البلد نفطاتنه الدسمه..
يخابرني الوطن..
ها خير؟ إبني شبيك؟
أنه شبيّه يَ يابه ..
أنه أبن الشهيد الماحضر دفنه..