هنا

[أنثى حائرة]

باختصار ليس لدي اي صديقة وانا بحاجة ماسة للخروج والتنزه وأكرر حاجة ماسة وليست رفاهية لان عائلتي مكونة من اخي الأصغر فقط و هو اغلب الوقت مشغول بالعمل و يعود الى المنزل تعب فما الحل برأيكم لآني وبالعراقي طكت روحي من صدك لدرجة بس الله العالم بيها وأكثر من هذا ما اكدر أكول ورجائي حلول عملية بعيد عن التنميق و من هسه أكول اني الحمد لله ملتزمة دينيا فما اريد اي حل إيكول أقرئ قران وأدعي لانه بس الله يعلم و اكيد الله خلاني اكتب هنا علمود احد يلكالي عملي و للعلم ما متعينة يعني ما عندي اي اختلاط بالعالم حتى الجيران مع الأسف وشكرا لإنشاء هذي المساحة وتحياتي لأعضاء البيج كلها مو بس هذا المنتدى

[صحراء]

اختي نوغمال
اخرجي امشي و اتنزهي
انا كثيرا ما اخرج وحدي و اروح المطاعم و افطر خارج البيت وحدي ايضا
بالعكس هاذ جدددددا رائع اكثر من انك تنتظري احد تخرجي معه

[فيصل سالم]

قد تكوني انتى من وضعتي نفسك بعزلة

لانه ومن غير المعقول لا يوجد لديكي صديقات من الدراسة او الجيران او الاقارب

فى مجتمعاتنا الشرقية المنزل هو الملاذ الدائم للبنات ويجب ان تتاقلمي وان تشغلي اوقات فراغك باي هوايات

قراءة او رسم او اي اعمال يدوية ... النت كذلك يضيع الوقت كثيرا بالتصفح والالعاب والمشاركات فى برامج التواصل الاجتماعي

كذلك لديكي المنزل اشغلي وقت فراغك بتنظيفه وتعديله حتى وان كان بتحريك الاثاث او التعلم فى فنون الطبخ

لا تيأسي ومن ثم تدخلي فى حالات اكتئاب وملل دائم ولن يطول الوقت باذن الله وترحلين الى منزل الزوجيه وبعدها لن تشكين من اوقات فراغ

[ٱجَمل ٱنٌسًٱنٌة]

والله يا خيتي هذا حال كل البنات اني عني اكضي وقتي بالنت وشغل البيت والنوم

[حـــلاة الـــروح]

ماكو اي اشكال اذا حجيتي وية اخوج هالشي والي اتعانين منه اكيد راح ايقدر وضعج وايحاول ايساعدج

[إدريس]

أنـي ولد وما اطلع ؟ يعني مو بس انتي ؟
اذا أنتي ضايجه من كعدت البيت ومعندج اصدقاء .. اني من صغير معندي اصدقاء ومكضيها بيت
وبالعطله 24 ساعة بالدرر من شدة فراغي ؟
يعني الامـر
تكدرين تمارسين شيء غير الخروج
واحنا مجتمع محافظ وشرقي ميجوز البنت تطلع وتطب دائماً ..
حاولـي تبلغين اخوج او اي شخص من اهلج بين فترة وفتره يطلعونج
وكذا تكون انحلت مشكلة الخروج
وبخصوص الاصدقاء المنتدى مليان بنات .. تكدرين تختارين التعجبج ^_^

[ღĞiяℓღ]

اممممم اني اطلع بالسنة مرا .. و ما افضل اطلع
مع العلم اني ما عندي اصدقاء بالحقيقة .. كلها علاقتي سطحية بيها
بس اشوف راحتي بالدرر و اصدقائي بالدرر افضل من الحقيقة .. فـ ليل نهار هنا
فـ انتِ مارسي هواياتج اشغلي نفسج بغير امور .. تابعي مسلسلات ع اليوتيوب
الطلعة مو كل شي ترا .. اكو هواي اشياء تحل محلها .. خلي اصقائج الكترونيين مو الا بالحقيقة :)

[fairy touch]

السلام عليكم ...
اكرر عاللي يكتبون ...لا تحجون المشكلة ع النص ..اكو هواية احداثيات لازم نحجيها حتى المقابل يفهم ..خصوصا انه الشخص من يكتب هنا بعد ما يكدر يجاوب على اسئلتنا .
المهم ..اول سؤال خطر ابالي مثلا ..انت عايشة ابغداد لو بمحافظة اخرى ؟
اذا ابغداد هاي اسواق الدنيا كلها كدامج ..منو يحجي وياج اذا طلعتي بالنهار ؟ .. ما شالله النسوان مالية السوق..زرافات و وحدانا ..اني شخصيا من اطلع اتسوق ما يعجبني الا اطلع وحدي ..و احسن طلعة من واحد وحده ..ما بيها شي ولا المجتمع منغلق لهالدرجة اللي تتصوريها ..انت الظاهر طولت كعدتج بالبيت و مدا تدرين بهالمسألة ..و تخافين تطلعين وحدج ...اني مدا اكول الرفقة الحلوة ما مطلوبة ..بس اذا ماكو مو ننحبس ..اطلعي لمول و شوفي المحلات و كعدي بكوفي شوب اشربي و اكلي ..ما بيها شي ...سويها مرة و رح تتشجعين ..
اذا بالمحافظات ما اعرف الوضع شنو ..و انت ما كلتي انت منين .

السؤال الاخر ..ماكو بنات خالة بنات عم ؟ .. شنو مكطوعين فد مرة ؟ اذا اكو ما بيها شي تواعديهم و تطلعون سوة .
اتمنى تتحلين بالشجاعة ولا تبقين غالقة على نفسج القمقم .
تحياتي .

[عطر الزهور]

الحقيقة اختي اني هم مثلج اني عندي خوات بس محبوسات بالبيت ومكضيها نت وتلفزيون ونوم حاولي تختلطين وي اقاربك او امك يعني سولفي ويها