اثنين اثنين راحوا مني العزاز
وانا اعله الواحد اگضي الليل شوغات!
وگال ارفع الزحمة تگول خطار
بست رجلين گلبي ومارضه يبات
الندم مرني وطردته ها يالبعاد
بعدني الهسه ماگايل حرامات
يجيراني البسطكم لسه بالباب
العصر خانگني موش المغرب الفات
صدگ ياحوبة هيج تطشر الناس
عمر طيبين بس وكحين مرات
يرب لجل اللعب صيدنة الطيور
خوما افراگهم حوبة حمامات
وذنيج الشقه ولعب الدرابين
الهسه بوجهي من عدهن علامات
كبرنه وكبرت ويانه الدكاكين
وماعرفنه من صارن محلات
الزمن موش ابن اوادم ويه الاشراف
جا مارحتوا لو واحدنه بذات
رائد ابو فتيان
رد مع اقتباس
