غفت ها ما غفت عيني ... من الهام
صحت يوم الشفت ركو .... من الهم
عجيبه من طحت نيشن .. من الهام
لحدّ الجدم حط اسهام بيه
......................................
غفل لا أحم لادگ باب ... من ناخ
الآلم, حگي من اصيحن آخ.. من اخ
فكدت انا اخو ياصاح... من اخ
لجم كلبي لحد يوم المنيه
..................................
ضگت اشفاف طيبك..مَن نداها
وصحت مِعفي برهاتي..من نداها
الرچيچه بيوم طگهن..من نداها
تضل عار على ابو طباع الرديه
..................................
ليلي بفگد طاريكم ...وسن بيه
الك قانون البگلبي..وسن بيه
تصوغه لن شفت ثغرك..وسن بيه
ثلج من تبتسم شفت المنيه
...............
نحيله وركركاني الدهر..ها ما
صحت،لن ما أطخ بيوم..ها ما
عجب من رحت دمعك سكب..ها ما
لأن دم گلت راح تصب اليه
...................
شتضن سرَّك سريته..من سريته
الي وسرني وسراكم..من سريته
سرى وما سرى الغيرك..من سريته
الك دمعي فرح،مايبچي اليه
بقلمي
هنا
سيد ضياء
رد مع اقتباس
المشاركة الأصلية كتبت بواسطة حروف ضائعة
