دارميات في ذكرى استشهاد الامام الصادق ع , علي الشمري , ضياء الموالي , احمد الكرعاوي
مساجلة دارميات في ذكرى استشهاد الامام الصادق عليه السلام
مجموعة دارميات عن للامام الصادق عليه السلام
(ضياء الموالي , احمد الكرعاوي , وانا علي الشمري )
مو ثــــار الك ثارات بكليبي خليت
لمن طحت مسموم ياصادق البيت
علي الشمري
گلبي وكياني أندار كلي وشجازي
ياصادق أهل البيت بيك أعتزازي
ضياء الموالي
لمن طحت مسموم هلت دمعتي
يا صادق اهل البيت وجت جمرتي
احمد الكرعاوي
حسره ودمع من نار عل الوجنه يجري
يامنبع أهل البيت أنذرله عمري
ضياء الموالي
شفت الفلك والكون هالليله حزنان
للصادق المسمــــــــــوم وبكلبي نيران
علي الشمري
للصادق المسموم الطم وون حيل
والدمع عالوجنات اصبح شبه سيل
احمد الكرعاوي
ها يالبقيع اليــــــــــــوم ادريبك تنوح
مسموم إمام الكون والشافه مجروح
ضياء الموالي
طـــــاح العلم والجــــــاه سمــــو امامي
ياصادق اهل البيت ظل كلب دامي
علي الشمري
عالصادق ابجي دموم وانحب حياتي
واتمنى صبح وليل ساعة مماتي
احمد الكرعاوي
ها يالبقيع اليوم جتك معزين
للصادق المسموم لمكمل الدين
علي الشمري
للصادق المسموم بروحي ارد اوفيه
ماتكفي ادري الروح چا بيش أجازيه
ضياء الموالي
الدنيا ظلمة اليوم وامست حزينة
ياشيعة هذا اليوم انسم ولينة
احمد الكرعاوي
ابجي وانــــــــــوح ابليل وذرفلك ادموع
ياصادق اهل البيت ضل كلبي موجوع
علي الشمري
نهدي ثواب هذه الابيات الى سيدنا ومولانا
(الامام جعفر الصادق عليه السلام )
عسى ان ننال من خلال هذه الحروف البسيطه شفاعته في الاخره .
رد مع اقتباس
المشاركة الأصلية كتبت بواسطة زمرد الشمري
