كيكه الدره
150 جم دقيق
120 جم دقيق ذره ناعم
135 مللى لبن
135 مللى زيت
3 بيضات
210 جم سكر
10 بيكنج بودر وفانيليا
الطريقه
- نضرب البيض والسكر فى العجان لغايه ما يهيش ويتضاعف
- نخلط الدقيق ودقيق الدره والبيكنج بودر والفانيليا
- نهدى المضرب ونحط اللبن شويه شويه مع الضرب حتى يختلط
- ونحط الزيت خيط رفيع على الخليط ونضرب حتى التجانس
- وفى الاخر نحط الدقيق شويه شويه ونقلب مع الحفاظ على الهواء الموجود باننا لا نرفع المعلقه اللى بنقلب بيها فى الهواء
-الكميه دى بتعمل 2 قالب مقاس 20 فى 13 سم و2 قالب كب كيك
وتدخل الفرن على درجه حراره 170 درجه لمده 35 الى 40 دقيقه
تركه الشيف
لازم نحط الزيت خيط رفيع مع الضرب على السرعه الاولى ليه علشان نحافظ على ارتفاع الخليط لو حطناه كله مره واحده هيهبط
نملآ ثلاث اربع القالب علشان لما يدخل الفرن هيرتفع
ازاى نعرف انه استوى من 3 حاجات
اولا حاجه لو ضغطنا على وش الكيكه بصابعنا ونرفع صابعنا نلاقى الخليط رجع زى ما كان دليل على انها استوت لو مش استوت نلاقى نفس مكان صابعنا
تانيا نلاقى الكيكه انفصلت من الحرف عن القالب زى الصوره
ثالثا لو حطينا سكينه فى وسط الكيكه ونرفعها نلاقى السكينه طلعت نظيفه مافيش اى اثار عليها
منقول
رد مع اقتباس
