هنا

[أنثى حائرة]

السلام عليكم ورحمة الله وبركاته
شلونكم اخواني واخواتي
عندي مشكلة مع حبيبي احنة حبينا بعض تقريبا من 7 اشهر
وهو يحبني حيل لدرجه انه اتعلق بية وميكدر يفارقني
بعدين غاب عني كم يوم ومن رجع شكك بية وبنزاهتي وانه اني مااحبة
واكذب عليه ويكولي عندج علاقه مع غيري
اني طبعا استغربت من كلامة وانصدمت حيل لدرجة انه مكدرت احجي وارد عليه
وكلت بيني وبين نفسي معقولة الانسان الي احبة هيج يسوي بية ويشكك بنزاهتي
وانه اني بديت وياه على الصراحة والصدق
وحاولت ان احاجي وان هو متوهم وعلاقتي وياه مبنية على حب الله سبحان وتعالى
بس كان يصدني وميخليني احجي
وحاليا صارلة ميحاجيني شهر حتى ميرد علية من اتصل عليه
ارجوكم اعطوني حل لحتى ارجع علاقتي مع حبيبي
علما انه اني وحبيبي نعرف بعض من الجامعة
شكرا مقدما

[حّلأُتًيّ بِرُوُحّيّ]

طبعا حبيبتي احتمال يريد يعوفج فطلع هيج موضوع ..واحتمال ثاني احد مدخل بينكم ويريد يخرب وانتي لتتصلين بعد دزيلة رسالة ووضحيلة كولشي وسدي الموضوع وهوبعدين يحس على نفسة ويرجع ومن يرجع اعرفي شلون اتحسسي بقيمتج ولتحاولين تتصلين هل فترة لتنسين كرامتج فوق كول شي اتمنالج الموفقية وربي يبعدالسؤء عنج وعن الجميع تحياتي لحضرتج اختي الغالية

[فداك ياعلي]

صدكي يريد يعوفج
واذا هيجي سوه وياج هذا من البدايه ميحبج

[Sadir]

بنات عينكم اشويه ع الكرامة .... تره والله الرجال ميحب البنيه اللي تفرط بكرامتها
وانتي الله يسلمج مصختيها هوايه ! دعوفيه لمهند شنو ماكو غيره!!!

[حّلأُتًيّ بِرُوُحّيّ]

بنات عينكم اشويه ع الكرامة .... تره والله الرجال ميحب البنيه اللي تفرط بكرامتها
وانتي الله يسلمج مصختيها هوايه ! دعوفيه لمهند شنو ماكو غيره!!!

حبيبتي هي مامصختها بس هي طلبت رأيي لا اكثر وهي من اتصلت علية بس تريد تعرف ليش هل تغيير المفاجئ احتمال جاي يجربها وكل بنية من هيج يصرف حبيبها راح تضل تفكر وتقلق ليش هل تغير ومستحيل بهل زمن بنية ماتحب وهو موحرام بس حبيبت اكولج شي وانتي اخت وكولنة اخوات بل منتدى هي التجات النة وطلبت نصيحة فماكو داعي تنقصين من قيمتها بستهزائج الها تحياتي لحضرتج

[Sadir]

حبيبتي هي مامصختها بس هي طلبت رأيي لا اكثر وهي من اتصلت علية بس تريد تعرف ليش هل تغيير المفاجئ احتمال جاي يجربها وكل بنية من هيج يصرف حبيبها راح تضل تفكر وتقلق ليش هل تغير ومستحيل بهل زمن بنية ماتحب وهو موحرام بس حبيبت اكولج شي وانتي اخت وكولنة اخوات بل منتدى هي التجات النة وطلبت نصيحة فماكو داعي تنقصين من قيمتها بستهزائج الها تحياتي لحضرتج

اشكرج طبعا ع التوضيح اولا ... ثانيا اني ما استأهزئت بيها لا سامح الله لكن هيه دتكول شهر دتحاول وياه ! بنظرج شهر مو الحاح زايد ! بعدين شوفي الطامه الكبرى وين ! هو اللي شاك بشرفها ووفائها اله وفوكاها هو الزعلان !!! اني خليت نفسي مكانها وشفتها كولش صعبه .. لو يبقى بس هوه بالدنيا ما ارجعله ... حبيبتي الحب والشك .. مينجمعون ابـــــــــــــــــــــــ ـد .. تحياتي الج

[حّلأُتًيّ بِرُوُحّيّ]

اشكرج طبعا ع التوضيح اولا ... ثانيا اني ما استأهزئت بيها لا سامح الله لكن هيه دتكول شهر دتحاول وياه ! بنظرج شهر مو الحاح زايد ! بعدين شوفي الطامه الكبرى وين ! هو اللي شاك بشرفها ووفائها اله وفوكاها هو الزعلان !!! اني خليت نفسي مكانها وشفتها كولش صعبه .. لو يبقى بس هوه بالدنيا ما ارجعله ... حبيبتي الحب والشك .. مينجمعون ابـــــــــــــــــــــــ ـد .. تحياتي الج

حبيبتي موكلامج من كلتي [مصختيها هواي ] كلمة جارحة الها وهي مكالت اتصل علية شهر كالت اتصل ومايرد بس اوقات موعلى طول الشهر وحبيبتي هذا حب مولعب لان كولنة اوبعضنة من البنات من نحب شخص نخلي بمثابة اهل النة وصديق وقريب ومنكدر نتحرك بدون رأ يية لان نحسب للمستقبل ويا لذلك هي متعلقة بي ومتكدر تنسى فاحنة نحاول بنصيحتنة نخفف عنها وبس لان من طلبت المساعدة معناها يأسة من جميع المحاولات اشكرج على كلامج وذوقج

[fairy touch]

هسة نجمع المعطيات بدون عاطفة :

واحد +وحدة = يحبون بعض
الواحد غاب
الواحد رجع ....ومن رجع اجى وياه هدية
الهدية = اتهام
الواحد غاب ...ومن غاب ما قبل يسمع اي دفاع من الطرف الاخر ..و اغلق كل ابوابه .

ما هو الحل ؟

الحل ان تنظر الفتاة الى نفسها التي حاول هذا المقابل الذي تطلق عليه اسم ( حبيب ) ، حاول اهانتها ...و تسأل نفسها : اني استحق هيج اهانة من كائن من يكون ؟
اذا كان الجواب هو : لا
اذن الحل ان تتوقف و تسد بابها هي هم ...
و الباب اللي يجيك منه ريح سده و استريح ..اما الباب اللي يجيك منه اهانة و عدم احترام ..فابنيه بطابوق حتى لا فد يوم يوسوس لك الشيطان و يخليك تفتحة على اي امل .
اتمنى لك الموفقية خاصة انه 7 اشهر من حياتنا لا شيء ..باختصار انسي الموضوع .

[فونة]

شوفي هيه حجايه وحده ومراح اشرح وأطول. ..

إذا يحبج يرجعلج. ..
انتي عوفيه. ..وإذا كان صدؤك حبه حقيقي..راح يرجعلج بدون تفكير. .

اتمنالج الموفقيه

[ليديا]

اشكرج طبعا ع التوضيح اولا ... ثانيا اني ما استأهزئت بيها لا سامح الله لكن هيه دتكول شهر دتحاول وياه ! بنظرج شهر مو الحاح زايد ! بعدين شوفي الطامه الكبرى وين ! هو اللي شاك بشرفها ووفائها اله وفوكاها هو الزعلان !!! اني خليت نفسي مكانها وشفتها كولش صعبه .. لو يبقى بس هوه بالدنيا ما ارجعله ... حبيبتي الحب والشك .. مينجمعون ابـــــــــــــــــــــــ ـد .. تحياتي الج

يسلم بؤك ههههه هاي استعرتها من الاخوة السوريين

انثى محتارة تحتاجين القوة اسمعي كلام سيدر وعينك شوي ع الكرامة