بعيدة دروبنـــــه وضيـــكه المسافات
ويحتــاج الدربــنه صـــــفنت اوهـــام
يجر بينـــه الـــــدرب مانعـــثر اشلون
خطايه احساسنه محوطينه من جام
من كد مانصيـــح الــصوت ميـــــعود
مثل ميـــــت نصير انعيـــــش بحلام
امل عــــــدنه نعيـــش براحت الـبال
خرسه عيــــــونه وعاميـــــه اللثــــام
كـــــــدرنه الحزن ومفـــــصل افصال
وطلـــع سيد حــــزنه يمشي كدام
يل عالجرح مرتجي
يحجولي عنك حجي !!!
ماانصحك تسمعه
خليني ساكت لان ؟
من احجي ادفعك ثمن
ماتكدر تدفعه
ماااااريد اشوفك امش
خليت حبنه بنعش
والشامت إيشيعه
يخالة
..خيالج اصبح بكلبي… وامسه..
ليش الموت اجا.العندج ومسه
اريد الزم طرف كبرج وامسه
مثل ما جنة نتكاود سويه
سر حبك ابكلبي خفي ... لكني مريود انفضح
يكتل يليل اجفاك دلهم عليه
والفجر ماطراش جم لوعه بيه
شوكت ترهم واشوفك يمي غافي
واكلك من تفز ... نوم العوافي
ولك مشتاك الك انه اعترف مشتاك
افكر بيك صدك عايش بحركـــــــــه
واذا واحد ذكر اسمك يهزني الشوك
واحس كل الخلايه بجسمي محتركه
بعدهه ايديه ترجف من يمـــــر طاريك
وبعدهه الروح ظلت بيك متعــــــــلكه
تبارينه الذمم والحب طويناه
ورمينه الذكريات احجار بالبير
مادام النهر ضيك عبرناه
وكلمن خلي يذكر صاحبه بخير
صدك عدنه هدف بس ما وصلناه
مشي الحفاي نمشي اعله البسامير
و لو كلشي اليضيع النه منلكاه
خشب ويصير بحلوك المناشير
تعلعلنا شكثر لمن عشكنا اغراب
من جلمة زعل شدو رحلــــهم
يهز بينا الوفــــه والريح جذاب
شما هب الهوى ينسم عطرهم
زرعت الصبر شتله بعتبت الباب
لا جف اليدكه ولا خبر منهـــــم
اه من الزمن سواني دولاب
مثل فرت السبحه بأيد جاهلـهم
اعاين ع الدمع شلال بالخد صــاب
وعلي مايوم شفت سايل دمعهم
اليفاركني شبر
ما التفتله سنين
