يمته تحس
من ينكطع بيه النفس !!
تدريني ماضلي كلب
من فركتك ضيم انترس
كافي هجر
بعيوني ماضل اي صبر
كاعد واتاني لجيتك
متكلي ليوين انتظر
راسملك بحلمي درب
بلكت تمر
بلكت اجدامك بالغلط
تتعنى طيفي بلاعذر
ناذر عمر
لو شفتك بطيفي تجي
وياك ابدي من الصفر
ما اخلي لفراكك اثر
بعيوني اضمك
تستقر.. يمته تحس
اكدر اعيش ابدون حبك اذا اتروح
بس عيشت الاصنام لاحس ولا روح
في مجتمعنا يقولون للفتاة ;استري نفسك كي لا يتحرش بك أحد „امشي محترمة كي لا يتحرش بك احد „لا تخرجي وحدك كي لا يخطفونك و يعتدوا „نسيوا ان يقولون للرجل ;غض بصرك „ إعتبرها أختك „ لا تتحرش بها „ احميها „لا تعتدي „ حتى لا تتأذى أختك و أمك و بنتك „ فكما تدين تدان „مجتمع يرى الخطأ في الأنثى فقط „و كأن الرجل يمثّل صورة الملاك على الأرض هذا المجتمع „جعل من الانثى تلك الشّماعة البالية التي تعلّق عليها اخطاء الجميع حتى و ان كانت المظلومة فالمجتمع الشرقي لا ينصفها ابدا „فـ ربط الأنوثة بالعيب و العار جعلنا مجتمعا محروما من الطمأنينة ينام و السّكين تحت وسادته „يكفي جهلاً !!”
عندي واهس هسه اموت
واشتل بكلبي رمح
حتى لا ارجع اعيش
ومن جديد الكه جرح
عندي واهس ليلي اشنقه
واعدم احلامي الصبح
وانتقم من القصايد
كافي مااريد انفضح
الله بس هو العليم بحالنا
حيل مشتاگين مدري شمالنا
نسوا ؟
يتذكرونا ؟
عافونا ؟
#بعدهم ؟
والله يمهم ظل فكرنا وبالنا..
ها يولفي ...!
ارتاح كلبك من مشيت...
بگد هوه الله
الشوگ بيه وما حجيت!...
الغالي اللي غيابه طال واتعبّني
اليّ شهر والعيون ترفّ ماشفّته
طيفه عن الناس والدنيا مغيبّني
وضمّيته بداخل اعيوني ولحفّته
تدري شكد احبك وانه ذايب بيك
اذا اسمك الفظه تموع روحي
شجاك تكبرت من كتلك اهواك
ترى هواي اجوني وماشفتهم
دكو باب كلبي وشلعو الباب
ولأجل عينك ابد مادخلتهم
اكثر من خمر تأثيرك اعلى الروح
يحسبوني سكرانه وماضكت كطره
انه بلياك عمري ايصير بس ليل
ويذبحني العشك بالسيف والشفره
يل اتنعس كبل ليصير ال غروب
انا بلياك كاسر خاطر ال صخره
اريدك دوم يمي اتعب امن اتغيب
وكلبي يرافكك عل حلوه والمره
انه من ابجي ابلل ثوبي وي لجفون
وابلل روحي حال الطالع بمطره
ازرعني بظلوعك رش عليه الطيب
وعشرتنه تصير الجذع والشجره
اظل وياك لو حبك سجاجين
سجاجينك تخلي الروح خضره
شوكت افتح عيوني ويمي الكاك
واعيش وياك عالنيات بل فطره
