چان اكو طالب بالابتدائية اسمه (خميس) وچان كلش كسولي واغبى طﻻب المدرسة.
وچانت معلمته اسمهه (ست الهام) حتى چانت متحبه لأنو غبي ..
يوم من الأيام اجت أم خميس للمدرسة تسأل عن مستوى خميس فگالتلهه المعلمة ست الهام : عمري كله مشايفه بغباء خميس!
الأم انقهرت وسافروا وعاشوا بالمدينة ... وبعد 25 سنة ست الهام اتمرضت واحتاجت الى عملية جراحية بالقلب
وفعلاً سوالهه العملية دكتور من اذكى الأطباء ونجحت العملية.
وبعد العمليه اجه الدكتور يشوفهه باوعتله لگته شاب كلش وسيم وذكي حاولت تشكره من خلال حركة ايدهه و ظلت تحاول تحجي وتأشر بيدها.
الدكتور راد يفتهم شتريد ماگـدر.! وبعد هذا صار وجه ست الهام ازرگـ وماتت خطيه.
التفت الدكتور لگه عامل النظافه (خميس) شالع فيشة الأوكسجين ومخلي فيشة المكناسه الكهربائية حتى ينظف الغرفة..
مو عبالكم خميس هو نفسه الدكتور لا لا الله وكيلكم الغبي يبقى غبي ميتغير.
وهسه سمعت خميس صار وزير ...!!!
رد مع اقتباس
