يالمالك جددنك لاتلعب ويا الريح
خافنك بهويه وتنشلع سكته
دك باب الهوا وحب ايده من يختاظ
خاوي انت وبعد مابيك كل عته
علي تضحك يا خايب وانا علو الغيم
على جفون الفرح هم تضحك النكته
الكمكم صح جبير ودلته لادبيه
لاجن غصبن يدنك راسه الدلته
دخان المزابل يطم عين الكون
لجن عود البخور لحلفو بخته
وصحيح السيسبان ايلود بيه الياس
لجن ياهو صواني العرس عزمته
وصحيح الاثل عالي وفيه فوك التين
لجن ياهو الجفوف اتوسلت السلته
وصحيح الجوري نام منه الصفصاف
لجن ياهو الخشوم اتوسلت الشمته
لتغرك اجفوفك كون مفتولات
ابو فاضل سحكها بلازند تحته
رد مع اقتباس
