هنا

[ضياء الصافي]

راح أشيل الكيزر وماريده..خاطر أمبير الجماعه انزيده
":":":":":":":"

كوم شيل وياي كيزركم تعال

خل نسويهم مَثل لأهل الدلال

انريد كون الصيف يتحول جمال

وهذا حجي الفايخ وماعيده ...راح أشيل الكيزر وما ريده

::::: ~~ ::::: ~~ :::::

راح اتحمل برد واحمل صليل

وما احط كيزر,ترى لا,مو بخيل

هذا فد عربولنه الرد الجميل

واذا رادوا نسكن بنص بيده..راح اشيل الكيزر وماريده

::::: ~~ ::::: ~~ :::::

ارد اكلك المن تزيد السبح

والمن الماي اليبخّر بالصبح

هيه لطّه على الوجه كافي نفخ

كافي موحمل الوزير انزيده..راح اشيل الكيزر وماريده

::::: ~~ ::::: ~~ :::::

انتن بنياتنه بلايه بُطر

انريد كون اليوم يتساوه المطر

ومانريد النوم لنصاص الظهر

نريد جوله منصّبه واجديده..راح اشيل الكيزر وماريده

::::: ~~ ::::: ~~ :::::

انا ما اعتب عليك انته بلاء

كبلك الوادم تصدّر كهرباء!!

أمداكم ياحثالة عملاء

والله ماتسوولكم تغريده..حتى كيزركم بعد ماريده

::::: ~~ ::::: ~~ :::::


بقلمي
هنا أنا
سيد ضياء

[ديره ورد]

احسنت الطرح جميل جداااا

[كليوبترا]

هههه اي السخانات أثرت ع طاقتهم ..
شلون يردونه نطفي السخانات والبرد قارس؟؟ !!!!

[ضياء الصافي]

هههه اي السخانات أثرت ع طاقتهم ..
شلون يردونه نطفي السخانات والبرد قارس؟؟ !!!!

لا عمي لاتسونها طلابه
ام الفتايل حظرنها
عينوا الوزير يرحمكم الله

[شموخ رجل]

الابداع يرافقك اينما تذهب
فلا طاقة لي على التعبير عندما رايت حروفك الرائعة
لك مني خالص الشكر والتقدير لما خطه قلمك المميز

[ضياء الصافي]

احسنت الطرح جميل جداااا

شكراً
لمروركِ هيبة النساء

[جنـات]

الله الله عليك اخويه ضياء
رد جميل عاشت الايادي

[ضياء الصافي]

الابداع يرافقك اينما تذهب
فلا طاقة لي على التعبير عندما رايت حروفك الرائعة
لك مني خالص الشكر والتقدير لما خطه قلمك المميز

اين انا منك ياقمة الابداع
..........
بس راح أهرب..يمكن راح اصير افراري
اخخخخخخخخخخخخخ

[ضياء الصافي]

الله الله عليك اخويه ضياء
رد جميل عاشت الايادي

يا أختاه ياشامخة الوجود
اينما حللتِ أنرتِ
تحيتي

[عازفة الامل]

رد جميل.. شكرا لك ولقلمك المميز كالعادة..