الم هجرك نصب چادر بالجروح
تعال لجرحي محد غيرك يروف
اكتبت كومة قصايد خاطر تعود
واخافن لا لساني يوشل حروف
رچيچ گليبي ما يگدر عالفراگ
ما اتحمل اني بهايه معروف
حسرتي اعليك يوم انطيت مگفاك
مثل حسرة مبطل بين الصفوف
من ينذكر اسمك حالتي تصير
مثل حالة عقيله وذكروا چفوف
تسل هجرك عليه تشيغ الروح
شنو عنكدك هجر لو عندك سيوف
گبل ملگاك چن شمس الظهر چان
وهسه الشمس طلعت وانته مكسوف
ويا وسفه الگمر ثالثنه من چان
من تاريخ هجرك لسه مخسوف
الي صفنه بغيابك تشبه الموت
يمته تحن عليه وللجفه تعوف
غميجه جروحي حيل اذاهه الفراگ
والشاف الجروح يظنهن كهوف
ابچي جفون صدگ من يجي الليل
وگلبي اعليك وحگ دمعاتي ممرود
مثل شدة عگل وبروس الشيوخ
گلبي بگلبك من سنين مشدود
گلبي يحن عليك لشوفك اشتاگ
تخضر گاع روحي لمن تعود
درب فرگاك اظلم كلشي ما اشوف
وآخرها بجبل آهات مسدود
رد مع اقتباس
المشاركة الأصلية كتبت بواسطة Diyaa Nawar
