جنت ما اعتقد تقسي وتمل وتروح
وجنت ما اصدك الي كالي يعوفك
بس هسه اعتقد ضليت أشيل (( الما ))
من شفت عله مايك زعلت جروفك
جانت روحي حضرة وانت بيها ايمام
دليلي يزورك ويشتاك ويطوفك
جنت كلي انه يمك لو يمسك خوف
وبروحي انه اضمك لو يشح خوفك
جنت تحجي وتكلي انت جرح بالروح
بس مرتاح بيك ومبتعد روفك
شنهو الغيرك خلاك تكصي وياي
صرت تاجر مشاعر لو علت سوفك ؟
رد طبعك عالاول لا تضل محتار
واضل ناطور الك عن لحد يحوفك
واذا لا ما ترد خليني اموت بساع
تره الشامت تحضر كاصد كهوفك
اذبحها على قبله ولا تضل محتار
كمل بالصراحة وياي معروفك
فشله ويا حسافة جفوفي رادت ليك
شجاوب شرد اكلهن وينها جفوفك ؟؟؟
رد مع اقتباس
المشاركة الأصلية كتبت بواسطة ابن الجنوب
