هنا

[إدريس]

السلام عليكم ورحمة الله وبركاته

أخوانـي الاعزاء ~ راح اطرح عليكم سؤال
خطر ببالي من نقاشي مع الاعضـاء بالأقسـام


~~
طبعاً لأحظت اكثر الاعضاء (مو الكل )
من يصير نقاش حول موضوع معين بمنتدى غير منتدى الحوارات والنقاشات الجادة
ما يطرحون فكرتهم ويردون اكثر من رد .. خوفاً من مسألة (أعتبـار الموضوع دردشة)
...
طيب احنا الفكرة عن منتدانا ان هو
درر العراق: مجتمع إلكتروني عراقي عام لا طائفي يهدف إلى نشر الثقافة ويتقيد بالضوابط الإسلامية
صح مو ؟
طيب نتوصل بهذا ان هو منتدى ثقافي
واعتقد من الثقافة ان نتحاور بينه على موضوع معين

( لكن ما يكون مزح او لمجرد الضحك !! .. رغم ان بعض النقاشات ما تخلو من الضحك وخاصه ان كانت داخل اطار السياسة )

الفكرة او المختصر للموضوع وهو السؤال ..
هل المناقشة ضمن مواضيع خارج منتدى الحوار والنقاشات الجادة ! يعتبر دردشة ؟ ام لا

اتمنى تحاولون توصلون الفكرة الـي بحذافيرها
حتى ما نخالف قانون المنتدى :)


بأنتظـار أجاباتكم او أرائكم



___________

الاجابـة
أخترت اجابة المديـر Samer

مرحبا

بقوانين المنتديات، ماكو شي يمنع (الدردشة)، بس عدنا قانون مهم (ومفصل) :



هذا القانون .. راح يقيدك انه ما تكتب اشياء خارج الموضوع (بعيدة تماما عن الموضوع) بحيث القارئ يحس انه (الموضوع تخربط)، ممكن المزاح اكيد، ذكر مسألة معينة حتى لو ذات علاقة بعيدة، بس الممنوع انه يتخربط الموضوع بردود كثيرة ما إلها علاقة بحتواه.

اما المواضيع الخاصة بالدردشة، فهي ايضا غير ممنوعة نفسها، بس قوانين درر العراق تشترط انه (يكون الموضوع المطروح ذو فائدة)، و انه الردود تكون حول الموضوع المطروح حتى لو صارت عبارة عن ردود متعاقبة ما دام ما خرجت من الاطار العام لمحتوى الموضوع (اللي هو كما اسلفنا مفيد ومحدد)

سوينا استثناء خاص لموضوع (سوالف بنات) بعد انه شفنا هذا انسب لطبيعة الأنثى بالمنتدى، و رفضنا مواضيع (الدردشة الخالصة) للاولاد ، طبعا احد الاسباب هي انه الذكور غالبا يسوولنا مشاكل لأن التزامهم (بصورة عامة) بالقوانين أقل، بينما الإناث تكون اكثر تحفظ، و اللي يكول تفرقة حقه ، لأن هي فعلا تفرقة بس لأسباب

على اي حال .. المفروض بالمراقبين انه ما يتشددون جدا بهذا الجانب .. يعني ماكو داعي للإجراء إلا إذا استوجب إجراء، بحيث العضو ما يحس انه هو ملاحق ، اما حذف او اغلاق موضوع بسبب الردود المخالفة، اكيد هذا شي غير صحيح، إلا اذا كان صاحب الموضوع مشترك بهذه الردود وياخذ ويعطي معاها. .. الحرية مكفولة ما دام القوانين ملتزمين بيها، و ما دام ما تسبب تشويه لصورة للمنتدى وسمعته.

مسألة اخيرة .. احنه بالمنتدى (نشجع) انه تكون الردود مطولة ونقاشية وتعطي صورة واضحة عن رأي العضو بالمحتوى المطروح (وتعبر عن شخصيته كذلك) ، حتى لو الموضوع نفسه مو نقاشي، و نضوج من الإكثار من الردود اللي تحتوي فقط على كلمات الشكر، على سبيل المثال، اللي دائما يكتب كلمات شكر بدون ايضاح وجهة نظره بعموم المواضيع، احتمال قليل انه يكون صاحب صلاحية بالمستقبل

مع الود

[Ćat]

اول ما اجيت هنا انحذف موضوع عضوه بسببي
اصور اذا الموضوع صار دردشه وضحك بلا فائده لازم ينحذف
واذا كلام جاد وللفائده لازم يبقى

[رحيـــل]

كل كلام خارج الموضوع او محور المناقشة يعتبر دردشة
طبعا كل الأعضاء مع النقاش الهادف
اصلا يكون الموضوع افضل نتيجة حينما يرد العضو على الآخرلتبادل الآراء وتقويم الخطأ منها
....
شنو رأيك باليطرح موضوع للنقاش ويدخله واحد يكله كواك الله هل يجوز قتله؟

[لانا احمد]

وعليكم السلام .. أهلا أخي إدريس
صراحةً أغلب المواضيع وخاصةً الترفية تتحول إلى دردشة وبالتالي مخالفات لذلك اما نضطر إلى إعطاء تنبيه بشكل ودي أو يحذف الموضوع أو يغلق .
لذلك علينا الإلتزام بمحتوى الموضوع فقط .
لكن أحياناً تكون الدردشة جميلة وذات فائدة ولا تتعدى تعليق أو 2 انا باعتقادي لا ضير بذلك ^_^
​

[لانا احمد]

شنو رأيك باليطرح موضوع للنقاش ويدخله واحد يكله كواك الله هل يجوز قتله؟

نعم يجوز

[إدريس]

اول ما اجيت هنا انحذف موضوع عضوه بسببي
اصور اذا الموضوع صار دردشه وضحك بلا فائده لازم ينحذف
واذا كلام جاد وللفائده لازم يبقى

لو انا بدال العضوة كان اشتكيت عليج
___
صح كلامج ... الدردشة والضحك .. لكن اني فكرتي أن الاعضاء بدأو يتخوفون من المناقشة حتى ضمن اطار الموضوع
بسبب (يضنوها دردشة) .. او ان القسم الوحيد للمناقشة هو قسم الحوار والنقاش .. وهل امر حصل وياي بالترفيه مع احدى العضوات ..

شكرً على مرورج

[المحامي احمد التميمي]

حتى الدردشة مو ممنوعة , ما اعرف شنو المشكلة بالدرشة وشنو يعني دردشو وين المحذووور !! والدليل سامر جان مسوي دردشة درر العراق فد شي حلو وانغلق لان اسائو استعمالها بعض الاعضاء - النتيجة المنتدى مو ضد الدردشة , لكن ضد الانحراف في الدردشة
تحياتي

[❀بْآرعةّ آلُخـيَآلُ❀]

شكراً أخي إدريس على الموضوع
انا هم لاحظ اكو هواي مواضيع تنحذف بسبب الدردشة واكو موضوع من المواضيع انحذف بسببي-_-
وكان شعور سيء انو موضوع ينحذف بسببي
بس شنو ذنبه صاحب الموضوع
انا اكول يعني لو تنحذف المشاركات ويبقى الموضوع مفتوح بس ينهب الأعضاء الي دردشوا لان خطية صاحب الموضوع خاف ينقهر

[إدريس]

كل كلام خارج الموضوع او محور المناقشة يعتبر دردشة
طبعا كل الأعضاء مع النقاش الهادف
اصلا يكون الموضوع افضل نتيجة حينما يرد العضو على الآخرلتبادل الآراء وتقويم الخطأ منها
....
شنو رأيك باليطرح موضوع للنقاش ويدخله واحد يكله كواك الله هل يجوز قتله؟

صح كلامك وهذا شيء حضاري وما بيه مشكلة وهذا الي لازم يوصل للأعضـاء .. بس مو الا يخص المحتوى ؟
احياناً اكو ردود تكون داخل الموضوع لكن تربط بأمور اخرى فـ يجوز النـأ ننطي رأينا بيه او نكول هذا خطأ وهذا ما يصير
ونتيجة لردنا حيكون اكو رد من صاحب الرد وهم يصير تبادل بالأراء ..
____
بالنسبة هل يجوز قتلة

راح اعتمـد رد لانـا واضيف تعذيبـه اولاً ثم قتله

نعم يجوز

_______________

وعليكم السلام .. أهلا أخي إدريس
صراحةً أغلب المواضيع وخاصةً الترفية تتحول إلى دردشة وبالتالي مخالفات لذلك اما نضطر إلى إعطاء تنبيه بشكل ودي أو يحذف الموضوع أو يغلق .
لذلك علينا الإلتزام بمحتوى الموضوع فقط .
لكن أحياناً تكون الدردشة جميلة وذات فائدة ولا تتعدى تعليق أو 2 انا باعتقادي لا ضير بذلك ^_^
​

نعم لاحظت هل امر بالترفيه .. اصلاً حتى احياناً الامر يخرج الى غير المألوف .. الخ
... الدردشة حلوة منو ميحبها ... الي اتمنى ان الاعضاء يفهمون فكرة ان الدردشة تختلف عن المناقشة
أنرتـي أختي لانـا

[إدريس]

حتى الدردشة مو ممنوعة , ما اعرف شنو المشكلة بالدرشة وشنو يعني دردشو وين المحذووور !! والدليل سامر جان مسوي دردشة درر العراق فد شي حلو وانغلق لان اسائو استعمالها بعض الاعضاء - النتيجة المنتدى مو ضد الدردشة , لكن ضد الانحراف في الدردشة
تحياتي

اي اتذكر دردشة درر العراق :)
انغلقت العام تقريباً هيج وقت من السنة ..
اعتقد رجوع الدردشة حيكون شيء حلو .. وخاصه ان الاعضاء يسوون مشاكل هواي من وره الدردشة ... لمجرد انهم يريدون يشاقون بيناتهم بالتعليقات
(رغم انهم يتجاوزون الحدود احياناً) بس هاي هم فكرة حسنه عن الدردشه لان رجوع الدردشة حيكون حافز ان العضو الي يسيء بشيء راح يتعرض للحضر من الدردشة
مثل ما تعودنا بالسابق :)
أنرت

شكراً أخي إدريس على الموضوع
انا هم لاحظ اكو هواي مواضيع تنحذف بسبب الدردشة واكو موضوع من المواضيع انحذف بسببي-_-
وكان شعور سيء انو موضوع ينحذف بسببي
بس شنو ذنبه صاحب الموضوع
انا اكول يعني لو تنحذف المشاركات ويبقى الموضوع مفتوح بس ينهب الأعضاء الي دردشوا لان خطية صاحب الموضوع خاف ينقهر

الشكر لله نورتـي ~
الاعتذار من صاحب الموضوع حيتكفل بأن يروح شعور الذنب
...
اي صح .. لكن المراقب ممتواجد بكل المواضيع ؟ همه كم واحد خطيه و24 تلكيهم يفترون بالمنتدى ويقومون بمهامهم الادارية على اكمل وجه ..
يعني احياناً ما ينتبهون لوجود دردشة .. او ينتبهون وينتظرون توقفها لكن العضو يبقى يتكلم وما يهتم للقوانين .. فيضطرون حذف الموضوع
وعملية حذف الردود حتكون صعبة ! لان بعض الاعضاء ما شاء الله كل 30 ثانية رد .... والمراقب 24 ساعة يمسح ويسترجع ويغير ... فيغلق الموضوع أفضل حل