هنا

[بهلول الرشيد]

على الكلب كلمة توب بصخام وابرة وادك
دكيت بيه دكة ردي ماصير مثل وادك
على الراح اعضن شفتي وعلى الكصة اغبك وادك
ياحيف حتى الاخو صايرلي كسرة عود
موصوجي صوج الكلب هو الي يكلي عود
كيفت لمن طحت اشتضن اجيلك عود
والله من ابيع الهدم عود ما اجي البابك وادك

[بهلول الرشيد]

عشرتنه حين انتهت مدري شعليهه طرة
ليش انه من اذكرك ينطر دليلي طرة
والأخذ طبعك درب مارجع كلمن طرة
قسمتنه نهجر بعض ربك علينه كتب
اقسملك بكل نبي وكلما نزل من كتب
يوم اللعب درهمك حدر ايدك ادري كتب
بس ردت افوزك علي جذبت كتلك طرة

[بهلول الرشيد]

ياخوي عندي حمل فوك الجتف هادله
انطيه قلبي تره وحتى العمر هادله
وشو وكتي جاير علي حتى الهدم هادله
وما يوم مره الفرح يسري عله بابي ويمر
وحتى الحلو من اكله صار ابلهاتي يمر
الجان حدري كبل صاير يصيح ويامر
وكمت اني انخه علي هلبت يح هادله

[بهلول الرشيد]

سلاني هذا الكلب عله ومرض حط الي
لا صاحي امر بالفرح لا بالحلم حاط الي
شيل الحزن يازمن حب وفرح حط الي
كلبي بمراره وضيم هذا الوكت عيشه
لكن قدر مكتوب والواجب نعيشه
مهما يطير الطير تالي يرد عشه
بس كلبي طار بهوى مايوم ابد حط الي

[بهلول الرشيد]

قصتي العلي اصبحت من كل غريب غراب
وانة غريب بهلي وهلي علي غراب
من دون كل النجم نجمي بسماك غراب
كاتلني حبك كتل واشعلني وجنك شعل
عليت من عندي الكلب ومن عندك اني شعل
جانن طيور العشك احلى الطيور شعل
شنو الجرة ياترة وصارن اليوم غراب

27

[بهلول الرشيد]

ممنوع عني الفرح مامرني بس ألهم
عزاز يوم ان مشومانحت بس ألهم
أطحن بجمر ألغظة وعامات بس ألهم
يبقة عهدهم رسم لاوألذي أنزل
محكم كتابة وأبد عن دربهم منزل
دفان كبل أن تحط اللبن بس أنزل
أطبع بشفتي على الخدين بوسة ألهم

[بهلول الرشيد]

يامن خطفت عكول بحاجبك بسناك
ناوي تعذب جميع اهل الهوى بسناك
ياقوت احمر بثغرك والبردبسناك
واخدود الك بيض ماتلزم ضباب وتصد
وعيون تلهي جميع اهل الغرام وتصد
شنهو السبب يا زين عنا تميل وتصد
شيصير لو يوم يازاهي الحسن بسناك

[بهلول الرشيد]

يانفس يازي جهل بطلي اللعب ومراح
شيب العوارض ترة حط الضعن وامراح
ثلثين عمرج كضت وهذا ألثلث هم راح
مالج خبر بالذي نادى العمر بس عود
والناس هذا بشكه وهذا بفرح وسعود
من شاف تالي الورد بالكاع يلبس عود
خلاه مر الندم يضرب ألراح براح

[بهلول الرشيد]

كلبي معلك بقه لا هو الي ولاهو اله
لا اهلي عن رضو يا حسرتي ولا هله
دموع اهلن علية ودمعه علي لا هله
باقي اني من حسرتي اعصر بروحي عصر
والي عليه جره ما جره بهاذا العصر
يوميا البس اله واتمشى اجيه العصر
واهله من اجي بالدرب كالو اجه لاهله

[بهلول الرشيد]

كتله انا معجب ضحك معجب انه بشفتك
كلي شايفني كبل؟ كتله ولا شفتك
كلي دفكني اذاً كتله شفك شفتك
كلالي امن ترى كتله انا احب منك
كلي دليني الدرب كتله الدرب مناك
كلي امسودن اذاً ... كتله الدوه منك
كلي شنهو الدوة كتلة الدوة شفتك